Кума дарыясы

Кума дарыясы — Түндүк Кавказдагы дарыя. Узундугу 802 км, алабынын аянты 33,5 миң км². Аскалуу кырка тоосунан башталат; тоодон чыккандан кийин Каспий бою ойдуңунда Каспий деңизине жетпей салааларга бөлүнүп кетет. Негизги куймасы — Подкумок (оң). Суусунун орточо чыгымы ортонку агымында 10,9 м³/сек. Куманын суусу өтө киргилдиги менен айырмаланат. Сугатка пайдаланылат (Терек-Кума жана Кума-Маныч каналдары). Кумада Отказненский суу сактагычы бар. Боюнда Минеральные Воды, Зеленокумск, Будёновск шаары жайгашкан.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9