Күрдстан тоолору

Wikipedia дан
Jump to navigation Jump to search
Күрдстан тоолору.

Күрдстан тоолору, Күрд тоолору Армян жана Иран тайпак тоолорунун ашташкан жеринде, Түркия, Иран жана Ирактын аймактарында жайгашкан. Күрдстан тоолору кырка тоолордун жана тоо массивдеринин татаал тармактарынан турат; эң бийик жери 4168 м (Жило чокусу). Кыры жайпагыраак, капталдары тик, капчыгайлар көп; эң бийик кырларында (альп тибиндеги) чакан мөңгүлөр бар. Климаты субтропиктик; жаан-чачыны түштүк-батыш капталдарында 1000-3000 мм, түндүк-чыгыш беттеринде 400-700 мм. Түштүк капталдарында жер ортолук деңиздик токой жана бадалдар (маквис, эмен токою, мисте жана арча сейрек токою), түндүк беттеринде тоо-талаа өсүмдүктөрү өсөт. Жайпак чокуларын альп шалбаасы ээлейт. Көчмөн мал чарбасы мүнөздүү; дарыя өрөөндөрүндө бак-дарак, буудай, жүгөрү, арпа өстүрүлөт. Күрдстан тоолору көбүнчө Армян Тавр тоолору деп аталат.

Колдонулган адабияттар[оңдоо | булагын оңдоо]