Мессина университети
| Мессина университети (UniME) | |
 | |
| Расмий аталышы |
Università degli Studi di Messina |
|---|---|
| Эл аралык аталышы |
University of Messina |
| Негизделген жылы |
1548 |
| Түрү |
Мамлекеттик |
| Ректору |
Жиованна Спатари |
| Студенттери |
24,000+ |
| Бакалавриаты |
100 |
| Магистратурасы |
15 |
| Докторантурасы |
16 |
| Профессорлору |
1,075 |
| Түстөрү |
ак жана кок |
| Жайгашкан жери | |
| Кампусу |
4 |
| Сайты | |
Мессина университети — 1548-жылы негизделген Италиянын Сицилия аралындагы Мессина шаарында жайгашкан борбордук окуу жай.
Катталган студенттердин саны: 24,000+
Ph.D. студенттер: 262
Профессорлор: 1,075
Техникалык жана административдик кызматкерлер: 745
Тарых
[түзөтүү | булагын түзөтүү]Мессина университети 1548-жылдын ноябрында Папа Павел III тарабынан расмий түрдө негизделген. Бирок, шаар байыркы маданий салттарга ээ болуп, XIII кылымдын аягындагы юридикалык мектеп жана XV кылымда белгилүү болгон грек мектеби менен байланышкан окутуу салтына ээ болгон.
Бирок университеттин үзгүлтүксүз ишмердүүлүгү иезуиттер менен болгон талаш-тартыштардан улам үзгүлтүккө учураган. Алар бүткүл аралдагы университеттерди монополиялаштырууга аракет кылышкан. Университет ишмердүүлүгүн 1596-жылы гана толук баштаган. Бул кыска, бирок интенсивдүү доор болгон. 1678-жылы университет испан бийлигине каршы көтөрүлүштүн натыйжасында жабылган. Ушул жылдары Мессина университети шаар менен тыгыз байланышта болуп, саясий жана маданий маанилүү таасирге ээ болгон. Жогорку деңгээлдеги профессорлор – Жованни Альфонсо Борелли, Пьетро Кастелли, Жован Баттиста Кортези, Карло Фракассати, Жакомо Галло, Марио Джурба, Марчелло Мальпиги жана Франческо Мауролико – анын аброюн көтөрүшкөн.
1838-жылы падыша Фердинандо II университетти кайрадан каржылап ачкан, бирок 1847-жылы шаардагы антибурбондук көтөрүлүштүн кесепетинен кайра жабылган. Эки жылдан кийин университет кайра ачылган, бирок Калабрия жана Сицилиянын башка провинцияларынан келген студенттерди кабыл алууга чектөөлөр киргизилген. Бул университеттин студенттик курамына чоң залакасын тийгизген. 1862-жылы университет экинчи класстагы окуу жай статусуна түшүрүлгөн. Бирок, Провинциялык кеңеш, мэрия жана Соода жана искусство палатасынын ортосундагы келишимдин негизинде, 1885-жылы биринчи класстагы университет макамын кайра алган.
1890-1908-жылдар аралыгында студенттердин саны аз болгон (орточо 650-700 студент). Ошол жылдары университетте көрүнүктүү профессорлор, мисалы, Пьетро Бонфанте, Леонардо Ковиелло, Витторио Мартинетти, Витторио Эмануэле Орландо, Джованни Пасколи жана Гаэтано Сальвемини иштеген.
1908-жылдагы жер титирөө университеттин абалын ого бетер начарлаткан. 49 окутуучунун ичинен 14ү урандылар астында каза тапкан, ал эми китепканалар жана илимий мекемелердин көбү кыйраган. Бул окуя Мессина университетин жаап, анын ордуна кесиптик жана коммерциялык орто мектептерди түзүү мүмкүнчүлүгү катары каралган. Дебат кызуу жүргөн, бирок 1909-жылдын октябрь айында Юридикалык факультет кайра ачылган.
1911-1912-окуу жылынын башталышында ректор Жованни Мария Риццо "ырахат жана сыймык менен" университеттин начар абалына карабастан, сабактар үзгүлтүксүз өтүп жатканын билдирген. Бул мезгилде Юридикалык факультетте 190 студент, ал эми Гуманитардык жана философия факультетинде 29 студент окуган.
1914-1915-жылдары Илим, Фармацевтика жана Медицина факультеттери калыбына келтирилген.
1919-1920-жылдары Медицина факультетинин бардык сабактары жергиликтүү мекемелердин колдоосу менен жүргүзүлгөн. Бул убакта Граждандык оорукананын базасында убактылуу клиникалар түзүлгөн. Ошол эле жылы Мессина университети кайрадан өзүнүн активдүү ишмердүүлүгүн көрсөтүп, "Борбордук университет" деген макамын кайтарып алган. Студенттердин саны 1,221ге жеткен: 508 студент Мессинадан болсо, 713ү Сицилиянын башка провинцияларынан жана Калабриядан келген.
1922-жылы ректор Риццо университетти Катания университети менен бириктирүү сунушун четке каккан. Бул сунуш фашисттик режим тарабынан көтөрүлгөн. Ошол убакта университет имараттарын бекемдеп, согуштан кийинки реконструкция мезгилин жеңип чыккан. Бул иште ректорлор Гаэтано Мартино жана Сальваторе Пульяттинин ролу чоң болгон.
Программалар
[түзөтүү | булагын түзөтүү]- 100 бакалавриат программасы
- 15 кесиптик магистр программасы
- 13 англис тилинде окутулган бакалавриат программалары
- 6 эки дипломдук программа
- 16 Ph.D. программалары
Кампустар
[түзөтүү | булагын түзөтүү]Мессина университетинин шаардын ар кайсы бөлүгүндө жайгашкан төрт негизги кампусу бар:
- Борбордук имарат
- Ректорат
- Университеттин администрациялык кеңселери жана катчылыктары. Ошондой эле, төмөнкү факультеттердин бөлүмдөрү ушул имаратта орун алган:
- Юриспруденция
- Экономика
- Саясий жана юридикалык илимдер
- Когнитивдик илим, психология, билим берүү жана маданий изилдөөлөр
- Аннунзиата кампусу
Аннунзиата кампусу Мессина университетинин эң чоң жайы болуп эсептелет. Шаардын түндүк-борбордук бөлүгүндө жайгашкан бул имарат төмөнкү факультеттерди камтыйт:
- Байыркы жана заманбап цивилизациялар
- Ветеринардык медицина
- "Ж. Мартино атындагы Университеттик Ооруканасы"
Оорукана кампусу университеттин медициналык билим берүү жана илимий изилдөө боюнча негизги борбору болуп саналат жана төмөнкү факультеттерди жана бөлүмдөрдү камтыйт:
- Клиникалык жана эксперименталдык медицина
- Чоңдордун жана балдардын патологиясы
- Биомедициналык жана стоматологиялык илимдер, ошондой эле морфологиялык жана функционалдык сүрөттөө
- Папардо кампусу
Шаардын түндүк бөлүгүндө жайгашкан бул имарат төмөнкү факультеттерди жана бөлүмдөрдү камтыйт:
- Инженерия
- Математика, информатика, физика жана жер жөнүндө илимдер
- Химиялык, биологиялык, фармацевтикалык жана экологиялык илимдер
Булактар
[түзөтүү | булагын түзөтүү]Università degli Studi di Messina (0fficial website/en)