Рисоржименто
.jpg)
Рисоржименто (итал. Risorgimento – кайра жаралуу) – чет элдик үстөмдүккө (Австрия эзүүсүнө) каршы жана бытыранды Италияны бирдиктүү бир мамлекетке баш коштуруу үчүн италян элинин улуттук-боштондук кыймылы, ошондой эле ушул кыймыл болуп өткөн мезгил (18-кылымдын аягы – 1861-ж.); 1870-ж. Рисоржименто Римдин Италия королдугуна кошулушу менен биротоло аяктаган. Рисоржиментонун негизги мааниси революциялык жол менен феодалдык- абсолюттук тартиптин жоюлушу жана буржуазиялык түзүлүштүн орношу болгон. Рисоржименто абдан өнүккөн учурларда буржуазиялык жана буржуазиялык-демократиялык революцияга чейин өсүп жетип, эл массасы чечүүчү роль ойногон. Натыйжада Италия мамлекети конституциялык-монархиялык негизде бириккен.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9