Сүлүктү
| Отурукташкан жай
Сүлүктү 
| |||||||||||||||||||||||||||||||
Сүлүктү — Кыргызстандын түштүгүндөгү Баткен облусуна караштуу шаар. Кыргызстанда көмүр казган ири шаарлардын бири.
География
[түзөтүү | булагын түзөтүү]Сүлүктү шаары Түркстан тоо кыркасынын түндүк (тескей) тарабында дениз денгээлинен 1380 метр бийиктикте жайгашкан. Ал Баткен облусунун борбору Баткен шаарынан 150 чакырымдай батышыраакта жайгашкан. Кыргызстандын ордо шаары Бишкектен 950 чакырымдай түштүк-батышта орун алган.
Шаар Сүлүктү темир жол тармагына кошулган. Ал Тажикстандын Пролетарск бекетине да жалгашат. Бул темир жолунун 9 чакырымдайы Тажикстандын аймагында, ал эми калган 38 чакырымы Кыргызстандын аймагында жайгашкан. Сүлүктү шаарынын аймагында үч бекет (Товардык, Макаевка, Чыгыш - Восточная) жайгашкан. Азыркы күнд бул темир жол тармагы иштебейт.
Климаты
[түзөтүү | булагын түзөтүү]Сүлүктү шаарынын климаты мелүүн келет. Кышкы мезгили анча узак эмес, жаз жана күз мезгилдери акыркы он жылда жаанчыл болуп калды, ал эми жайкы мезгил болсо - кургак жана ысык.
Сүлүктү шаарынын жетекчилиги
[түзөтүү | булагын түзөтүү]Сүлүктү шаарынын азыркы учурда мэр - Абдыжапаров Болот Шаршеналиевич 2023-жылдан тарта
Кыскача тарыхы
[түзөтүү | булагын түзөтүү]Сүлүктү тургун жай катары байыркы доордо эле негизделген. 1940-жылы шаар макамын алган. 1918-жылы Совет бийлиги орнотулган. 1999-жылдан тартып Кыргызстандын Баткен облусуна карайт, ага чейин Кыргызстандын Ош облусуна карап келген.
Өнөр жайы
[түзөтүү | булагын түзөтүү]Сүлүктү аймагы эзелтеден көмүр казуу жайы катары маалым. Ал эми 1868-жылдан тартып көмүр кеңири масштабда өндүрүлө баштаган.
Калкы
[түзөтүү | булагын түзөтүү]2009-жылга карата Сүлүктү шаарында 20, 7 миң тургун жашайт.[1] Калк саны ага чейин (Совет доорунда) алда канча көп болчу. Негизги калк - кыргыздар жана өзбектер. Алардан тышкары орустар, тажиктер, татарлар, айрым кавказдык этностор, украиндер, сыгандар, лөлүлөр, немистер жана башка этностордун өкүлдөрү.
Эскертмелер
[түзөтүү | булагын түзөтүү]- ↑ Перепись населения Киргизии 2009. Баткенская область. Текшерилген күнү 27 -август (баш оона) 2014. Түп булактан архивделген күнү 10 -август (баш оона) 2011.