Турабай Жороев
Жороев Турабай  | |
| Жалпы маалымат | |
| Төрөлгөндө берилген аты: | Жороев Турабай |
| Туулган жылы: | 1951-жылы 7-март |
| Туулган жери: | Бабыл айылы, Лейлек району, Баткен облусу |
| Өлкө: |  Кыргызстан
|
| Ишмердүүлүгү: | Акын |
Акын Турабай Жороев Лейлек районунун Бабыл айылында 1951-жылы 7-мартта туулган. 1968-жылы Кулундудагы орто мектепти аяктап, 1969–1972-жж. Ош мамлекеттик педагогикалык институтунан, 1972–1979-жж. Москвадагы М.Горький атындагы адабият институтунан билим алган.
Эмгек жолун Лейлек райондук «Алга» гезитинде иштөө менен баштап, 1974-жылы Ош телерадиосуна кабарчы болуп которулган. 1993-жылдан Кыргыз мамлекеттик телерадиокорпорациясынын өз кабарчысы, «Ош–3000» мамлекеттик телерадиокомпаниясында кызматкер болуп иштеп келген.
1966-жылы «Чыныгы достук» аттуу аңгемеси «Кыргызстан пионери» гезитине сандан-санга жарыяланган.
Анын жыйырмадан ашык ырларына композитор-обончулар музыка жазышкан.
1994-жылы чыгармалары түрк-мусулман өлкөлөрүнүн акындарынын эл аралык сыйлыгына, 2002-жылы Ж.Мамытов атындагы адабий сыйлыкка татыктуу болуп, чыгармалары орус, түрк, өзбек, тажик ж.б. тилдерге которулган.
1999-жылы «Кыргыз Республикасынын Эл агартуусунун отличниги» деген наам алган.
1991-жылдан Кыргыз Республикасынын Жазуучулар союзунун мүчөсү.
Жарык көргөн китептери
[түзөтүү | булагын түзөтүү]Кыргыз тилинде
[түзөтүү | булагын түзөтүү]- Ыйман: Ырлар. – Б.: Кыргызстан, 1988. – 54 б.
- Аваз: Ырлар. – Б.: Кыргызстан, 1991. – 32 б.
- Дартикем жүрөк: Ырлар. – Б.: Алтын тамга, 1997. – 170 б.
- Ыр маңдай – Ош, 2002, – 147 б.
- Ак жарык – Ош, 2009. – 192 б.
Колдонулган адабияттар
[түзөтүү | булагын түзөтүү]- Кыргыз Республикасынын жазуучулары/Кыргыз Республикасынын Мамлекеттик интеллектуалдык менчик кызматы (Кыргызпатент)/Түзүүчүлөр: М. Ааматов, А.Чекиров, Ө.Калыева. – Б.: 2011. Т.2 – 456 б. ISBN 978-9967-26-379-6