Турсунхан Салиева
Турсунхан Салиева (1922-жылы Ош шаарында төрөлгөн) - актёр, Кыргыз ССР эл артисти (1974). 1952-жылдан КПСС мүчөсү. 1935-жылдан Оштогу С.М. Киров атындагы өзбек музыкалык драма театрында 1940-жылдан Ташкендеги М. Мукими атындагы театрда, 1944-жылдан кайрадан С.М. Киров атындагы өзбек музыкалык драма театрында иштеген. Ал трагедиялуу, күрч мүнөздөгү ролдорду ойногон. Негизги ролдору: Кабаниха (А. Островский, «Добул»), Толгонай (Ч. Айтматов, «Саманчынын жолу»), Васса (М. Горький, «Васса Железнова»), Тангабике (М. Карим, «Ай тутулган түндө») ж. б.
Сыйлыктары[түзөтүү | булагын түзөтүү]
Кыргыз ССР жана Өзбек ССР Жогорку Советтеринин Ардак грамоталары менен сыйланган.
Колдонулган адабият[түзөтүү | булагын түзөтүү]
- Борбугулов М. "Ош областы энциклопедия" Фрунзе 1989ж.