Турсун, Айкын

Википедия дан

Айкын Турсун (1965) - кытайлык кыргыздардын илимпоз айымдарынын бири.

Кыскача өмүр таржымакалы[түзөтүү | булагын түзөтүү]

Айкын Турсун Кытайдын ШУАРынын Кызыл-Суу Кыргыз автоном облусунун борбору Артыш шаарында 1965-жылдын 18-октябрында төрөлгөн.

Атасы - Турсун Мырза жазуучу, ардагер (1939-жылы Кара-Жүл айылында туулган). Уруусу - чоңбагыш, анын ичинде Сыдык уулу.

Энеси - Токтокан Турду айым (1943-жылы туулган). Уруусу - кушчу. Алар төрт баланы өстүрүштү.

Айкын Турсун Артыш шаарындагы №2 облустук орто мектепти 1983-жылы аяктаган.

Кытайдагы Шанхай Жаотоңг университетинде илим жана техника чет тилдер факкультетин англис тили боюнча 1987-жылы окуп бүтүргөн.

1993-жылы алгачкы жолу Кыргызстанга окууга келген (Орус тил жана адабият педагогикалык институтунда, азыркы Бишкек гуманитардык университетинде билимин өркүндөткөн).

Анан беш жылдай Артыш шаарында тышкы соода компаниясында иштеген.

1996-2009-жылдары Бишкек гуманитардык университетинде чыгыш таануу факультетинде окутуучу болуп иштеген.

Үй-бүлөсү[түзөтүү | булагын түзөтүү]

Кытайлык кыргыздардын залкар манасчысы Жусуп Мамай жана кытайлык кыргыз сыналгы инженери Нургелди Турганбай. Ак-Чий шаарындагы Жусуп Мамайдын үйүндө. 2013-жылдын 20-майы.

Маркум күйөөсү Нургелди Турганбай уулу (16.10.1965-27.06.2013) менен 1989-жылы баш кошкон. Нургелди - чоңбагыш уруусунун көктакыя уругунан. Түбү - Терек айылынан, бирок Артышта туулган. Анын адистиги - курулуш, сыналгы инженери.

Үч кызы (Сейил, Каныш, Жылдыз) бар.

Илимий ишмердиги[түзөтүү | булагын түзөтүү]

Айкын азыркы учурда Кыргызстанда байырлоодо жана Кытайдагы кыргыздардын фольклордук мурасындагы диалектилик өзгөчөлүктөр тууралуу кандидаттык диссертациянын үстүндө иштеп жатат.

Ош гуманитардык–педагогикалык институту 2013-жылдын 25-ноябрында «Жусуп Мамайдын «Манас» эпосун мурас катары сактап калуудагы кошкон салымы» аттуу республикалык илимий-практикалык конференция өткөрдү. Ага Айкын Турсун да катышты.

Эмгектеринин кыскача тизмеси[түзөтүү | булагын түзөтүү]

Интернеттеги шилтемелер[түзөтүү | булагын түзөтүү]