Фазылбек Касымбеков
Касымбеков Мырза Фазылбек (1863, Бадахшан, Шунган кыштагы-1919) - тарыхчы, чыгыш изилдөөчү, географ жана саякатчы.
Маргалаңдагы жогорку диний мектепти -Султан Муратбектин медресесин бүтүргөн. 18-кылымдын 80-жылдарынын аягы-90 жылдарынын башында Ошто жашаган. Тилмеч, жол көрсөтүүчү, чарбалык иштерди башкаруучу катары Кашкар, Тибет, Гиндикуш, Памир (1888-89,1903-04), Ооганстан, Түркияга (1896) барган илимий экспедицияларга катышкан. Экспедицияга кылган кызматы үчүн 2 алтын, күмүш, коло медалдар менен сыйланган.1907-ж. Бадахшандын 1809-1907-ж-дагы соңку тарыхын жазган.Анын эмгеги 19-к-дын башында жазылып Мырза Сан-Мухаммед Бадахшанинин эмгегинин уландысы болуп эсептелет. Оштогу орус-түзөм мектебинде көп жыл мугалим болуп иштеген. 1914-1917-ж. Ошто демократиялык маанайдагы жаштардын тобун жетектеген. 1917-ж. ушул эле жерде уулу Санжар менен бирге «Окуучулар союзун» түзгөн. Басмачылар колдуу болуп өлгөн.
Колдонулган адабияттар
[түзөтүү | булагын түзөтүү]- Кыргыз тарыхы боюнча кыскача энциклопедия. Бишкек. 2003(жеткиликсиз шилтеме)