Ала-Буга дарыясы

Ала-Буга суусу
	; Жерге-Тал жана Кош-Дөбө айылдарынын ортосундагы бөлүгү (май айы)
Мүнөздөмө
Узундугу	180 км
бассейндин аянты	5 820 км²
Суу чыгымы	31 м³/с
Суу агымы
Аягы	Нарын дарыясы
Жайгашкан орду
Өлкө	Кыргызстан
Област	Нарын облусу
Район	Ак-Талаа району

"Алабуга (дарыя)" менен адаштырбаңыз.

Ала-Буга дарыясы, суусу – Ак-Талаа районундагы дарыя, Нарын дарыясынын сол куймасы. Узундугу 180 км, алабынын аянты 5820 км².

Фергана тоо тизмегинин түштүк-чыгыш жана Торугарт кырка тоосунун түндүк капталдарынан башталат. Жогорку бөлүгү Арпа деп аталып, Арпа менен Бычан кошулуп Ала-Буганы түзөт. Арпа өрөөнү аркылуу агып, Ортоңку Нарын өрөөнүнө чыкканда нугу кеңейип, суусу тайыздайт.

Куймалары: Жамандаван (64 км), Коңорчок (39 км), Кашка-Суу (33 км), Кумарык (23 км; оң), Бычан (40 км), Сөөк (45 км), Макмал (41 км), Кара-Суу, Миң-Жылкы, Мынакелди, Кырчын-Булак (сол).

Майда кирип, октябрда тартылат. Жылдык орточо чыгымы 31м³/сек; көбү – 124 м³/сек, эң азы – 9,70 м³/сек^[1]. Суунун жылдык орточо агымы 903 миллион м³ барабар^[2]. Сугатка пайдаланылат. Боюнда Кош-Дөбө, Коңорчок, Жерге-Тал айылдары жана тарыхый эстелик болгон Шырдакбек сепилинин урандылары жайгашкан^[2].