Анарбек Ибраев

Wikipedia дан
Jump to navigation Jump to search
Ибраев Анарбек

Ибраев Анарбек (1951-ж. т., Ак-Суу району, Тепке айлы) — ырчы. Кыргыз Республикасынын эмгек сиңирген артисти (1992).
Т. Сатылганов атындагы филармониянын алдындагы эки жылдык студияны, Б. Бейшеналиева атындагы искусство институтунун ырдоо бөлүмүн бүтүргөн.
Чыгармачылыгы 1970-жылдан башталган. Адегенде Ч. Кожомжаров жетектеген биринчи кыргыз эстрадасында, андан кийин К. Орозов атындагы эл аспаптар оркестринде солист болуп иштейт.
Ибраевдин үнүнүн диапазону кенен; элдик, лирикалык жана дүйнөлүк классикалык ырларды аткарат. Алгачкы аткарган чыгармалары «Эжелерим, агайым», (М. Рыскулов), «Таң сыры», «Үзүлбөгөн үмүттөр», «Сары-Челек» (С. Жумалиев), «Болбосо экен» (Ж. Касымбеков) жана башка. Ж. Шералиевдин «Кыргыз жайлоосу», «Эстей берем», Б. Тургунбаевдин «Туулган жер», Г. Чекиевдин «Кереметтүү көздөрүң», С. Жумалиевдин «Майрам шаңы», А. Керимбаевдин «Көл баяны», Б. Абдраимовдун «Ырымды сага арнаймын», «Махабат илеби», Т. Томотоевдин «Атама ант», С. Байтыгуловдун «Энекебай», Ш. Дүйшеналиевдин «Кумар көз» жана башка ырларды чебер аткарат.
Жаштардын жана студенттердин Москвада өткөн Бүткүл дүйнөлүк фестивалынын дипломаты (1985), Кыргызстан Ленин комсомолу сыйлыгынын лауреаты (1985). Италия, Франция, Тунис, Румыния жана башка өлкөлөрдө гастролдо болгон.

Колдонулган адабияттар[оңдоо | булагын оңдоо]

  • Ысык-Көл облусу энциклопедия. Бишкек-1994-ж.

Айрым шилтемелер[оңдоо | булагын оңдоо]

"Сүйгөнүмө суу ташып бергениме сүйүнүп..."
"Бир ыр ырдап, Рыспай аганы таңгалдыргам..."
"Өнөргө өргүү жок"