Ишим

Wikipedia дан

Ишим – Казакстан менен Россиядагы дарыя, Иртыштын сол куймасы. Узундугу 2450 км, алабынын аянты 177 миң км2. Сары-Аркадан башталат. Жогорку бөлүгү кууш өрөөн аркылуу агып, Астана шаарынан төмөн карай өрөөнү кеңийт. Ишим талаасына чыкканда сандаган эски нуктары бар жайылма, төмөнкү бөлүгү саз аркылуу агат. Орточо чыгымы чатынан 215 км жогору 56,3 м3/сек. Жазында катуу ташкындайт. Ноябрдын башынан апрель-майга чейин тоңот. Петропавловск шаарынан жогору карай 270 км аралыкта жана Викулов кыштагынан чатына чейин кеме жүрөт. Вячеславский жана Сергеевский суу сактагычтары эл чарбасын суу менен камсыз кылуу жана сугат үчүн курулган. Боюнда Астана, Державинск, Есил, Петропавловск (Казакстан), Ишим ш. (Россия) жайгашкан.

Колдонулган адабияттар[оңдоо | булагын оңдоо]