Касаи

Касаи (төмөнкү агымында – Ква) – Ангола менен Конгодогу (Киншаса) дарыя. Конго (Заир) дарыясынын эң ири сол куймасы. Узундугу 2000 кмдей, алабынын аянты 880,2 миң км². Лунда платосунан башталат да, анын Түндүк капталы жана Конго ойдуңу аркылуу агат. Нугунда босоголор менен шаркыратмалар көп. Негизги куймалары: Лулуа, Санкуру, Фими-Лукение (оң), Кванго (сол). Суусу сентябрь–октябрдан майга чейин кирет. Орточо чыгымы 10 миң м³/сек (эң азы 5 миң м³/сек, көбү 20 миң м^З/секга чейин). Балык кармалат. Чатынан 750 км аралыкка чейин кеме жүрөт. Ири пристаны – Илебо [Конго (Киншаса)].

Колдонулган адабияттар

“Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9