Мажит Гафури
Мажит Гафури (башкыртча: Мәжит Ғафури, Ғафуров Ғәбделмәжит Нурғәни улы) [20.7(1.8).1880, азыркы Башкыртстан, Гафури району, Елем-Караново 28.10.1934, Уфа башкыр жана татар акыны, башкурт адабиятын негиздөөчү, Башкурт АССР эл акыны (1923). Жазуучу-агартуучу катары белгилүү. 1905-ж. Казандагы студенттердин нааразылык кыймылына катышкан.
Чыгармалары революциялык мүнөздө болгон. Реакция жылдарында «Менин жаш өмүрүм» (1906), «Улутту урматтоо» (1907) жыйнактары конфискацияланып, 1911-жылдан полициянын көзөмөлүнө алынган. «Жумушчу» поэмасы (1926), «Кызыл жылдыз» пьесасы (1926), «Турмуш тепкичтери» (1930), «Акындын алтын кенинде» (1931) автобиографиялык повести бар. Публицистик макалаларды жазган, орус акындарынын ырларын башкыр тилине которгон.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4