Пирамида
| Пирамида | |
 |
«Пирамида (геометрияда)» менен адаштырбаңыз.
Хеопс пирамидасы.
Пирамида (архитектурада) – пирамида (кээде тепкич-тепкич же мунара сымал) түрүндө курулган монумент курулуш. П. көбүнчө байыркы убактарда салынган. Демейде Байыркы Египеттин фараондорунун күмбөздөрү П. деп аталган (биздин заманга чейин 2800–1700-ж. чамасында). П-лар фараондордун жанда жок улуулугун даңазалоого тийиш болгон. Байыркы Египет П-ларынын ичинен эң ириси – Гизадагы Хеопс П-сы (бийиктиги 146,6 м, биздин заманга чейин XXVIII к.). П. курулуштары мындан башка Борбордук жана Түштүк Америкада да тургузулган. Байыркы Рим менен Европанын искусствосунда П-нын мотивдери мемориал түрүндөгү курулуштарда пайдаланылган.
Байланыштуу макалалар[оңдоо | булагын оңдоо]
Колдонулган адабияттар[оңдоо | булагын оңдоо]
- Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004