Руслан Курманалиев

Wikipedia дан
Jump to navigation Jump to search
Курманалиев, Руслан Сейитбекович
Курманалиев Руслан.jpg
Жалпы маалымат
Төрөлгөндө берилген аты: Курманалиев, Руслан Сейитбекович
Туулган жылы: 25.02.1972-жыл
Туулган жери: Пионер айылы, Ак-Талаа району, Нарын облусу, Кыргызстан
Өлкө: CCCР желеги СССРКыргызстан желеги Кыргызстан
Ишмердүүлүгү: театр жана кино артисти, тамада
Наамдары: Болот Бейшеналиев атындагы республикалык сыйлыктын ээси
Чыгармачылык активдүүлүгү: 1992-жылдан баштап азыркы кезге чейин
Театр: «Жайсаң» театры, “Тунгуч” театры, Кыргыз мамлекеттик Б.Кыдыкеева атындагы жаштар жана балдар театры

Курманалиев, Руслан Сейитбековичтеатр жана кино артисти, тамада.

Кыскача өмүр баяны[оңдоо | булагын оңдоо]

Бала кезинен эле музыкага, оюн-зоокко дилгир Руслан 1887-жылы 8-классты аяктагандан кийин, дароо эле Фрунзе шаарындагы Муратаалы Күрөңкеев атындагы музыкалык окуу жайынын альт-комуз боюнча бөлүмүнө тапшырып, 1990-жылы бүтүрөт.
Музыкалык окуу жайын аяктаар замат эле ал Советтик Армияга кызмат өтөөөгө жөнөйт (1990-1992).
Русландын артист катары алгачкы эмгек жолу 1992-жылы Ж.Кулмамбетов уюштурган жана жетектеген “Жайсаң” театрында башталып, чыгармачылык тушоосу, азыркы кыргыз театрынын таланттуу артисттери Айсалкын Кыйыкбаева, Назым Мендебаиров ж.б. менен бирдикте ушул коллективде кыйылат. Бул театрда ал, курбалдаштары менен бир жарым жылдан ашык артист болуп иштейт. (1992-1994).
Ошол эле учурда ал 1993–жылы Кыргыз мамлекеттик академиялык драма театрынын алдындагы театр окуу жайында окуй баштайт да, аны 1996-жылы бүтүрүп чыгат.
Бирок 1995- жылы эле Асылбек Өзүбеков анын жөндөмүн жактырып “Туңгуч” театрына иштөөгө чакырат.
“Туңгучта” Руслан беш жыл - 2000-жылга чейин артист болуп иштеп, бүтүн Кыргызстанды түрө кыдырат.
2000-жылдан тартып Руслан Кыргыз мамлекеттик Б.Кыдыкеева атындагы театрдын (ТЮЗ) артисти.
Билимин өркүндөткөн Руслан 2010-жылы Б.Бейшеналиева атындагы искусство институтун кызыл диплом менен аяктаган.

Чыгармачылыгы[оңдоо | булагын оңдоо]

Русландын артисттик шыгы айрыкча ТЮЗга киргенден баштап көрүндү.
Ушул коллективде ал бир нечелеген сахналык образдарды көрүүчүлөрдүн купулуна толо турган деңгээлде жаратты.
Айрыкча Русландын Ташмат Эшматову (“Чыңгыз менен Бүбүсайра”), Шамшысы (“Мүрөктүн суусу”), Эркини (“Аксыдагы атуу же Боспиектеги каран түн”), Линь Босу (“Ипархан-Сянь-Фэй”) анын кылдат психологиялык да, күчтүү драмалык да, ал түгүл комедиялык да чебер артист экенин айгинеледи.
Бүгүн Руслан Курманалиев улуттук театр өнөрүндө өз чыгармачылык жүзү бар инсан.
Театрда эмгектенүү менен бир катар эле ал 2005-жылдан тартып кыргыз кинолоруна да активдүү тартылып, көрүүчүлөрдүн калың катмарына тааныла баштады.

Театрдагы негизги ролдору[оңдоо | булагын оңдоо]

"Күйөө балам - водовоз" фильмин тартуу учурунан
  • Маңкурт (“Тайамам”, авт. С.Раев)
  • Кеша (“О, кыздар”, авт. С.Раев)
  • Володя (“Макулмун”, авт. Л.Корсунский )
  • Ажыгабыл (“Таланат жана тагдыр”, авт. Ж.Кулмамбетов)
  • Ташмат Эшматов (“Чыңгыз менен Бүбүсайра”, авт. Ж.Кулмамбетов)
  • Эркин Жаңыбаев (“Аксыдагы атуу же Боспиектеги каран түн”, авт. Ж.Кулмамбетов)
  • Шамшы (“Мүрөктүн суусу”, авт. А.Дыйканбаев)
  • Кадырбек (“Каргыш тийсин сага, Жаңыл Мырза!”, авт. Ж.Кулмамбетов)
  • Тилек (“Үмүт”, авт. Ч.Калыбекова)
  • Линь Бо (“Ипархан – Сянь-Фэй”, авт. Ж.Кулмамбетов) ж.б.

Киноролдору[оңдоо | булагын оңдоо]

  • Асек (“Той”, реж. А.Айтикеев)
  • Кадырбек (“Кандуу сүйүү”, реж. Ж.Кулмамбетов)
  • Кадырбек (“Кандуу сүйүү-2”, реж. Ж.Кулмамбетов)
  • Ташмат Эшматов (“Чыңгыз менен Бүбүсайра”, реж. Ж.Кулмамбетов)
  • Тимур (“Мен сага ишенем”, реж. Ж.Кулмамбетов)
  • Мидин Алыбаев (“Мезгил жана Алыкул”, реж. А.Чотуева)
  • Адыл (“Каргыш”, реж. Ж.Кулмамбетов)
  • Тергөөчү (“Президент жана бомж”, реж. Ы.Окенова)
  • Ата (“Сенин тилиң – Манастын тили”, реж. Ж.Кулмамбетов)
  • Берен (“Жараланган турналар - 2”, реж. Ж.Кулмамбетов)
  • Эсен (“Күйөө балам - водовоз”, реж. Ж.Кулмамбетов) ж.б.

Наамдары жана сыйлыктары[оңдоо | булагын оңдоо]

Болот Бейшеналиев атындагы республикалык сыйлыктын ээси .

Колдонулган адабияттар[оңдоо | булагын оңдоо]

Интернет шилтемелер[оңдоо | булагын оңдоо]

[1]