Трансформатор

Wikipedia дан
Jump to navigation Jump to search

Трансформатор - техникада - энергиянын же объектилердин кандайдыр маанилуү касиеттерин өзгөртүүчү түзүлүш.

Электр Трансформатор жана гидро Трансформатор кыйла кеңири тараган. Трансформатор куруу идеясын биринчи жолу орус илимпозу П. Н. Яблочков иштеп чыккан. Трансформатор дун иштеши электр-магнит индукция кубулушуна негизделген.

  • 1) Чыңалуу Трансформатору - өзгөрмө электр токтун жогорку чыңалуусун стандарттуу приборлор менен ченөөгө ынгайлуу чыңалууга өзгөртүүчү ченегич Трансформатор. Анын биринчи оромосу жогорку чыңалуудагы тизмекке, экинчи оромосу ченегич приборлорго жана сактагыч релесине туташтырылат.
  • 2) Ток Трансформатору - чоңкүчтөгү өзгөрмө алектр тогун (чанда - атайын схема боюнча туруктуу токту) стандарттуу ченегич прибор менен ченөөгө ыңгайлуу мааниге чейин өлгөртүүчү (төмөндөтүу) ченегич Трансформатор Анын биринчи оромосу ченелүүчү токтуи тизмегине удаалаш, экинчи оромосу ченегич приборлордун тизмегине жана сактагыч релесине туташтырылат.

Электр Трансформатору - бир чыңалуудагы өзгөрмө токту башка чыңалуудагы өзгөрмө токко өзгөртүучу электр-магниттүү түзүлүш (аппарат). Ал Трансформатордук тунуке болоттон жыйналган магнит өткөргүч жана жалпы магнит агымы менен курчалган изоляциялуу оромолордон турат. электр Трансформатор бир жана коп оромолуу болот. Өзгөртүлүүчу токтун түрүнө жараша электр Трансформатору бир жана үч фазалуу болуп бөлүнөт. Электр Трансформаторунун негизги типтери: электр энергиясын аралыкка берүүчү жана бөлүштрүүчү күч Трансформатору, атайын ишке ариалган күч Трансформатору, ченегич Трансформатор, сыноо жүргүзүү үчүн жогорку вольттуу Трансформатор, электрон техникада колдонулуучу кубаттулугу аз импульстук Трансформатор.

Колдонулган адабияттар[оңдоо | булагын оңдоо]

Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Т. 6. Тоо климаты - Яшма. -656 б.