Абдиев Тууганбай

Wikipedia дан
Jump to navigation Jump to search

Тууганбай Абдиев (1937-2009) - кыргыздын чыгаан төкмө акыны. Кыргыз Республикасынын Эл артисти (1993-ж.), Кыргыз Республикасынын Эмгек синирген артисти (1986-ж.).

Кыскача өмүр таржымакалы

Белгилүү төкмө акын, дастанчы, комузчу Абдиев Тууганбай 1937-жылы 7-апрелде Токтогул районунун Ничкесай айлында туулган.

1976-жылы Кыргыз Мамлекеттик Университетин (азыркы Кыргыз Улуттук Университетин) аяктаган.

1955-жылы Токтогул райондук маданият сарайында, 1956-61-ж. Жалал-Абаддагы кыргыз драма театрында иштеген.

1961-жылдан тартып Токтогул Сатылганов атындагы Кыргыз мамлекеттик филармониясынын артисти.

Тууганбай Абдиев 2009-жылы Бишкек шаарында каза болуп, сңңгү "Ала-Арча" көрүстөнүнө коюлган.

Чыгармачылык мурасы

Театрга келгенге чейин эле алгачкы устаты Коргоолдон комузга коштоп ырдоону, айтыштын ар кыл түрлөрүн, Сарыкунандан (Сагынбек) дастандарды комуз менен аткарууну үйрөнгөн.

"Чоң кербез", "Бала кербез", "Тогуз кайрык", "Мырза кербез", "Бала кербез", "Кара өзгөй", "Кер толгоо", "Ак тамак, көк тамак", "Ак Бакай", "Лу-лу Мамажан" комуз куулорун, "Жаныш-Байыш", "Курманбек", "Ак Моор" кенже эпосторун жана башкаларды авторлордун оз денгээлинде аткарбастан өз чеберчилиги менен алардын таасирдуулугун дагы тереңдеткен.

"Эрке кыял" аттуу күүнүн автору.

Тууганбай Абдиевдин "Таңшы комуз" (1979-ж), "Ыр канатында" (1984-ж.) ыр жыйнактары жарык көргөн.

Шакирттери

Республикалык "Айтыш" коомдук фондунун насаатчысы болгон. Кийинки муундагы жаш акындар Элмирбек Иманалиевди, Шекербек, Женишбек Токтобековду, Амантай Кутманалиевди, Азамат Болгонбаевдерди дасыктырууда зор роль ойногон.

Кыргыз киносуна салымы

Тууганбай Абдиев актер катары Дооронбек Садырбаевдин "Махабат дастаны" корком фильминде башкы каарман Раймаалынын образын таасын жараткан.

Сыйлыктары. Наамдары.

Кыргыз Республикасынын Эл артисти (1993-ж.), Кыргыз Республикасынын Эмгек синирген артисти (1986-ж.).

Төкмө акындардын "Ак таңдай - 1993", "Манас 1000" эл аралык айтыштарынын, "Курманбек -500" дастанчылардын конкурсунун жеңүүчүсү.

Колдонулган адабияттар[оңдоо | булагын оңдоо]