Мадалы хан

Wikipedia дан
Jump to navigation Jump to search

Мадалы хан, Мадалихан Мухаммед Алихан (1807–1840) – 1822–1840-жылдары Кокон мамлекетиннде бийлик жүргүзгөн хан. Омор хандын баласы, Нарбото бийдин небереси. Мадалы хан доору Кокон мамлекетинин саясий-экономикалык абалынын жогорулоо мезгили болгон. Мамлекеттин аймагы Түштүк Казакстан, Талас, Чүй, Ысык-Көл жана Нарын тарапка чейин таркалган. Тышкы саясатта 1832-жылы Кытай менен келишим түзүлүп, ири ийгиликке жетишкен. Түндүк Кыргызстанда Пишпек, Токмок (1825), Жумгал, Тогузторо (1830), Куртка (1832) чептери курулган. Мадалы хан 1824-жылы Чүйгө, 1826-жылы Кашкарга жасалган жортуулдарга катышкан. Бирок, Мадалы хан өмүрүнүн акыркы жылдарында саясий иштерден оолак болуп, көп убактысын оюн-зоокко кетирген. Бухара эмири Насрулланын колдоосуна ээ болгон ордодогу козголоңчулар тарабынан өлтүрүлгөн.

Колдонулган адабият[оңдоо | булагын оңдоо]

“Кыргыз Тарыхы. Энциклопедия” Бишкек 2003.
“Мамлекеттик тил жана энциклопедия борбору”
“И.Арабаев атындагы Кыргыз мамлекеттик Педагогикалык университети”
“Башкы ред. Ү.А.Асанов, жооптуу ред. А.А. Асанканов”.
“Ред кеңеш: Ө.Ж.Осмонов (төрага) Т.Н Өмүрбеков”

Интернеттик шилтемелер[оңдоо | булагын оңдоо]