Малкалды, айыл (Аксы району)

Wikipedia дан
Jump to navigation Jump to search

Малкалды айылы (совет доорундагы аталышы – Жаңы-Жол) – Кыргызстандын Жалал-Абат облусуна караштуу Аксы районундагы ири кыштак.

Кыскача таржымакалы[оңдоо | булагын оңдоо]

Малкалды айылы (совет доорундагы аталышы – Жаңы-Жол) – Кыргызстандын Жалал-Абат облусуна караштуу Аксы районундагы ири кыштак. Ал Жаңы-Жол айыл округунун борбору. Бул кыштак мурда Аксы районунун борбору да болуп турган.

Калк саны – 2074 киши (2007-жылдын эсеби). Айылда негизинен кыргыздын саруу уруусунун өкүлдөрү байырлайт.

Негизги чарбасы – дыйканчылык, мал чарбачылыгы.

Кыштакта орто мектеп, маданият үйү, дарыкана, амбулатория бар.

Улуу Ата мекендик согушта курман болгондорго эстелик тургузулган. Лениндин эстелиги кароосуз калды.

Географиялык маалымат[оңдоо | булагын оңдоо]

Аксы районунда жайгашкан Бозбу тоосу. Ушул тоонун үстүндө Бозбу-Ата мазары жайгашкан.

Кыштак калкынын малы Авлетим, Чоң-Жайлоо, Бозбу-Ата ж.б. жайлоолордо жайлайт.

Кыштак райондун азыркы борбору Кербен кыштагынан 55 чакырым чыгышыраакта жайгашкан.

Кыштак Таш-Көмүр темир жол бекетинен 40 чакырымдай түндүк-батышта жайгашкан.

Кыштактан чыккан инсандар[оңдоо | булагын оңдоо]

Малкалды кыштагынан бир катар даңазалуу инсандар, илимпоздор, коомдук ишмерлер чыккан.

Алардын арасында тарых илимдеринин кандидаты Туратбек Жоробеков (1946-2016), экономика илимдеринин кандидаты Кадыржан Райымбеков, педагогика илимдеринин доктору Сатканбай Момуналиев, биология илимдеринин кандидаты Максатбек Казакович Мамытбеков, саясат таануу илимдеринин кандидаты Уран Токтоназарович Ботобеков, ж.б. чыккан.

Ушул айылдан айтылуу Алымкан Субан-бий кызы (1874-1942) чыккан. Ага кезинде Токтогул Сатылган уулу ашык болгон. Анын атасы Субан-бий Аксыда 19-кылымда төбөсү көрүнгөн бий болгон.

Айылдагы “Ленинчил жаш” орто мектеби пост-советтик доордо айылдык агартуучу Жоробек Мамытбековдун ысымын алып калды.

Малкалдылык илимпоздордун эмгектеринин кыскача тизмеси[оңдоо | булагын оңдоо]

  • Ботобеков У.Т. Захруддин Мухаммед Бабур кайсы улутка тиешелүү? // «Dialog Avrasya». – Бишкек. Издательство “Басма”, 2009, – Б. 24-25.
  • Ботобеков У.Т. Ситуация в Ферганской долине: религиозный экстремизм и оборот наркотиков // Многомерные границы Центральной Азии. Под ред. М.Б. Олкотт и А Малашенко. Московский Центр Карнеги. – Москва, Гендальф, 2000. Вып. №2. – С. 44-55.

Интернеттеги шилтемелер[оңдоо | булагын оңдоо]