Ош мамлекеттик университети
_(29876390344).jpg)
Ош мамлекеттик университети (ОшМУ) – Кыргызстандын түштүк аймагында жайгашкан республикалык ири жогорку окуу жайы. 1951-ж. Мугалимдер институтунун базасында түзүлгөн. Университетте 4 билим берүү институту, 3 илимий-изилдөө институту, 18 факультет, 110 кафедра, 2 медициналык окуу жайы, финансы-юридикалык коллеж. 35 лаборатория, 2 гимназия мектеби жана эл аралык илимий борборлору иштейт. Учурда 79 адистик боюнча 27 миңден ашуун студент билим алууда (2013). Ошондой эле 1500дөн ашык илимий даражалуу (анын ичинде профессор, доцент, илимдеринин докторлору) жана тажрыйбалуу окутуучулар эмгектенет. Китеп фондунда 1 млндон ашуун илимий, методикалык китептер сакталган. 19 окуу корпусу, анын ичинде 15 окуу залы, 8 студенттик жатакана жана чет өлкөлүк окутуучулар үчүн мейманкана бар. «Үмүт» телестудиясы, «Нур» гезити, «Навнихол» элдик театры, «Үмүт» фольклордук жана «Элегия» эстрадалык топтору иштейт.
Колдонулган адабияттар[түзөтүү | булагын түзөтүү]
- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7