Пенжаб

Википедия дан
Jump to navigation Jump to search

Пенжаб же Панжаб (хинди ਪੰਜਾਬ которулганда Беш-Суу) – Түштүк Азиядагы тарыхый-географиялык облус. Инд-Ганг түздүгүнүн түндүк бөлүгүндө, деңиз деңгээлинен 150-350 м бийиктикте жайгашкан. Административдик борбору – Чандигарх. Пенжабдын чыгыш бөлүгү – Индиянын штаты, батышы Пакистандын провинциясы. Аянты 200 миң км2ге ашык. Калкы 26,4 млн (2007); облуста калк жыш отурукташып, орточо жыштыгы 1 км2ге 524,9 киши туура келет.

Панжаб
хинди ਪੰਜਾਬ
Индиянын Панжаб штатынын туусу.

Пакистандын Панжаб аймагынын туусу.
Панжаб тарыхый аймагынын картасы.

Жайгашуусу[оңдоо | булагын оңдоо]

Тарыхый облустун аймагы Панжнад дарыясын (Инд дарыясынын сол куймасы) түзгөн Желам, Чинаб, Рави, Биас жана Сатлеж дарыя системаларынын суусу менен сугарылат. Климатына температуранын өзгөрмөлүүлүгү мүнөздүү. Жайында 47°Ска чейин ысып, кышында -4°Ска чейин төмөндөйт. Топурагы көпчүлүк бөлүгүндө күрдүү келет. Шивалик кырка тоосу түндүк-чыгыш бөлүгүндө созулуп жатат. Пенжаб сугат дыйканчылыгынын (дан эгиндери, пахта, кант кызылчасы) базасында пайда болгон байыркы цивилизация очокторунун бири болгон. Электроника, станок, текстиль, тигүү машиналары, велосипед, жер семирткич өндүрүштөрү иштейт. Ири шаарлары: Лахор (Пакистан), Амритсар (эл аралык аэропорту бар), Чандигарх (Индия).

Пакистандын Панжаб аймагы.

Колдонулган адабияттар[оңдоо | булагын оңдоо]