Сары-Таш шаарчасы

Wikipedia дан
(Сарыташ шаарчасы барагынан багытталды)
Jump to navigation Jump to search

Сары-Таш - Ош облусунун Алай р-ндагы шаарча (1950-ж-дан.). Алай өрөөнүндө, Талдык ашуусуна жакын, деңиз деңг 3120-3200м бийктикте, Ош-Хорог автомобил жолунун боюнда жайгашкан. Райондун борбору Гүлчө кыштагынан 104 км, дубандын борбору Ош шаарынан 185км аралыкта. Калкы 1,6 миң (2002). 1939-жылы негизделген. Акимий аймак жактан Көксуу, Нура кыштагы да шаарчага карайт. Сарыташ тоо арасында деңиз деңгеелинен бийик жайгашкандыктан, климаттык шарты татаал, такай шамал согуп турат, жылдык жаан-чачынынын өлчөмү 600мм. Калкынын 42,9%-и эмгек жашына чейинкилер, 50,9%-эмгек жашындагылар, 6,2%-эмгек жашынан өткөндөр. Шаарчанын негизги функциясы - унаалык кызмат көрсөтүү.

Негизги ишканалары: жол оңдоочу бөлүм жана асфальт-бетон заводу. Шаарча аркылуу Ош-Хорг, Ош-Эркечтам, Ош-Дарооткоргон автомобиль жолдору өтөт. Орто мектеп, тилкелик оорукана, поликлиника жана дарыкана бар.

Колдонулган адабияттар[оңдоо | булагын оңдоо]

  • Мамлекеттик тил жана энциклопедия борбору, ISBN 9967-14-006-2.