Айдарбеков Чыңгыз Азаматович
| Чыңгыз Айдарбеков | ||||
.jpg) | ||||
| ||||
|---|---|---|---|---|
| 17-октябрь 2018 | ||||
| Президент: | Сооронбай Жээнбеков | |||
| Андан мурунку: | Эрлан Абдылдаев | |||
| ||||
| 2016 — 2018 | ||||
| Андан мурунку: | Рысбек Молдогазиев | |||
| Туулган жери: | Фрунзе, Кыргыз ССР, СССР | |||
| Билими: | КЭУ | |||
| Кесиби: | дипломат | |||
Айдарбеков Чыңгыз Азаматович (27-октябрь 1977, Фрунзе, Кыргыз ССР) — кыргызстандык дипломат, КР тышкы иштер министри (2018-жылдан тарта), мамлекеттик кызматтын 3-класстагы мамлекеттик кеңешчиси.
Билими
[түзөтүү | булагын түзөтүү]1998-жылы Кыргызстан эл аралык университетин аяктап, «Эл аралык мамилелер» боюнча адистигине ээ болгон.
2001-жылы Кыргызстан эл аралык университетин магистратурасын «Юриспруденция» адистиги боюнча бүтүргөн, магистр деңгээли ыйгарылган.
2017-жылы Борис Ельцин атындагы Кыргыз-Россия Славян университетинин аспирантурасын бүтүргөн.
Дипломатиялык рангы — “Кыргыз Республикасынын Атайын жана Ыйгарым укуктуу Кичи элчиси”
Класстык чини — Мамлекеттик кызматтын 3-класстагы мамлекеттик кеңешчиси.
Эмгек тажрыйбасы
[түзөтүү | булагын түзөтүү]1998—2005 — Кыргыз Республикасынын Тышкы иштер министрлиги, КМШ Башкы башкармалыгы, атташе, үчүнчү катчы, экинчи катчы, биринчи катчы;
2005—2008 — Кыргыз Республикасынын Өзбекстан Республикасындагы Элчилиги, биринчи катчы. Кыргыз Республикасынын Өзбекстан Республикасындагы иштеринде убактылуу ишенимдүү өкүлү;
2008 — Кыргыз Республикасынын Тышкы иштер министрлигинин КМШ департаментинин көп тараптуу кызматташтык бөлүмүнүн башчысы;
2008—2010 — Кыргыз Республикасынын Түркмөнстандагы Элчилиги, Кеӊешчи;
Январь 2011 — апрель 2011 — Кыргыз Республикасынын Президентинин Аппаратынын тышкы байланыштар жана протокол бөлүмү, эксперт;
Апрель 2011 — декабрь 2011 — Кыргыз Республикасынын Президентинин Аппаратынын тышкы байланыштар жана протокол бөлүмү, бөлүм башчынын орун басары;
2012—2016 — Кыргыз Республикасынын Жогорку Кеңешинин Аппаратынын эл аралык байланыштар жана протокол бөлүмү, Бөлүм башчы;
Апрель 2016 — октябрь 2018 — Кыргыз Республикасынын Жапониядагы атайын жана ыйгарым укуктуу элчиси;
2018-жылдын 17-октябрьнан тарта — Кыргыз Республикасынын тышкы иштер министри[1].
Үй-бүлөсү
[түзөтүү | булагын түзөтүү]Чоң атасы — Иманалы Айдарбеков (1894—1938), мамлекеттик ишмер.