Мечит

Wikipedia дан
Пайгамбардын мечити. Медина шаары

Мечит (араб. مسجد‎‎ – сыйынуу жайы) – мусулмандар чогулуп намаз окуй турган имарат. Алгачкы Мечитти Медина шаарында Мухаммед пайгамбар курдурган. Мечиттер ири шаарларда, кийин айыл-кыштактарда курула баштаган. 7–8-кылымдарда мусулман өлкөлөрүндө намаз окуй турган жерлери Меке тарапка багытталган Мечиттер салынган. 10-кылымда айваны бар Мечиттер кеңири таралган.
Жергиликтүү курулуш салтына ылайык Мечиттердин имараттарында айырмачылыктар бар, айрым мечиттер мектептин милдетин аткарып, анда балдар куран окууга үйрөнгөн. Кыргызстан эгемендүү болгондон баштап элдин ислам динине болгон ишеними артты. Азыркы убакта Кыргызстандын айыл-кыштактарында, шаарларында да Мечиттер курула баштады.

Колдонулган адабият[оңдоо]

“Кыргыз Тарыхы. Энциклопедия” Бишкек 2003.
“Мамлекеттик тил жана энциклопедия борбору”
“И.Арабаев атындагы Кыргыз мамлекеттик Педагогикалык университети”
“Башкы ред. Ү.А.Асанов, жооптуу ред. А.А. Асанков”.
“Ред кеңеш: Ө.Ж.Осмонов (төрага) Т.Н Өмүрбеков”

Интернеттик шилтемелер[оңдоо]