Таормина
| Отурукташкан жай
Таормина 
| |||||||||||||||||||||||||||||||||||||||||||
Таормина (итал. Taormina) — Сицилиядагы эң кооз жана популярдуу туристтик шаарлардын бири. Ал Италиянын чыгыш тарабындагы Мессина провинциясында жайгашкан, Этна жанар тоосунун жана Иония деңизинин кооз көрүнүштөрү менен белгилүү.
Этимологиясы
[түзөтүү | булагын түзөтүү]Таормина шаарынын аталышынын келип чыгышы боюнча бир нече версиялар бар. Биринчи версияга ылайык, шаар (грек. Ταυρομένιον) (Tauromenion) сөзүнөн алынган болушу мүмкүн. Бул сөз грек тилиндеги taurus(ταῦρος) – "токтоо" же "бука" жана menos (μένος) – "кубат" же "күч" деген сөздөрдөн келип чыккан деп эсептелет. Бул аталыш "Тауро тоосундагы конуш" дегенди билдирет. Таормина шаарынын биринчи грек колониялары чыгыш тарабынан келген жана алар Эгей деңизиндеги Наксос аралынан келгендиги үчүн, бул жердеги биринчи колония да Наксос деп аталган (бүгүнкү күндө Джардини Наксос аттуу чакан шаар жана темир жол станциясы бар).
Экинчи версияга ылайык, сикулдар, ушул аймакта байыркы элдердин бири, шаардын атын өзү беришкен. Алар бул жерди Tauromenion деп атап, "Тауро тоосундагы жер" деп түшүндүрүшкөн. Тарыхчы Диодордун айтымында, шаардын аталышын сикулдар өзү берген. Жээктеги гректерге Тауро тоосу менен окшош келген чоң аскалуу жер болгондуктан, сикулдар өз жерлерин таштап, бул жерде жаңы жерге кыштап калууга мажбур болушкан.
Үчүнчү версияга караганда, Таормина аталышы мифологиялык Минотаврга байланыштуу болушу мүмкүн. Минотавр грек мифологиясындагы белгилүү жаныбар болуп, шаардын аты ушул мифологиялык кейипкерден алынган деп айтылат.
Калкы
[түзөтүү | булагын түзөтүү]2024-жылкы калкы 10 465 киши болгон.
Ажайып жайлары
[түзөтүү | булагын түзөтүү]Таормина кафедралдык собору
[түзөтүү | булагын түзөтүү]Таормина кафедралдык собору шаардагы араб жана испан таасирлеринин жыйындысын чагылдырат. Ал башында арабдардын башкаруусунда мечит катары курулган, кийинчерээк норманддар бийликке келгенде католиктик кафедралдык соборго айланган. Ар кандай маданияттардын архитектуралык элементтеринин айкалышы шаар жана Сицилия тарыхынын татаал көрүнүшүн чагылдырат. 1400-жылдар чамасында XIII кылымдагы чиркөөдүн үстүнө курулган Таормина дуомосы бир нече жолу ремонттон өткөн. Бирок, ал Сицилиянын роментикалык-готикалык стилиндеги өзгөчөлүктөрүн сактап калган. Жоон жана бекем баллистиктер менен курулган дуомо аскердик калаага окшош көрүнөт.
Таорминадагы Антикалык Театр
[түзөтүү | булагын түзөтүү]Шаардын эң белгилүү тарыхый жана маданий объектиси болуп эсептелет. Антикалык театр грек маданиятынын бай мурастарын чагылдырган, Театр таормина деңизинин жана Этна тоосунун көз жоосун алган табиятын фон кылып курулган. 3-кылымдын аягында б.з.д. гректер тарабынан негизделген жана анын негизги функциясы драмалык көрсөтүүлөр менен гладиатордук күрөштөрдү өткөрүү болгон. Театр 5,400 адамга чейин сыйдыра алат жана бүгүнкү күндө да концерттерди жана иш-чараларды өткөрүү үчүн колдонулат.
Корсо Умберто I
[түзөтүү | булагын түзөтүү]Таормина шаарынын негизги көчөсү, Сицилиянын орто кылымдардагы тарыхын жана архитектурасын чагылдырган тартымдуу жерлердин бири. Бул көчө орто кылымдык имараттар, чирквалар жана дүкөндөр менен капталган, бул өз кезегинде шаар тургундарынын жашоо турмушунун көп кырдуу аспектилерин көрсөтөт. Корсо Умберто I аталышы Италиянын падышасы Умберто I Савойскийге таазим кылат, ал 1878-1900-жылдары Италиянын падышасы болуп башкарган. Бул көчө мурдагы тарыхый Виа Валериянын бөлүгү болгон, ал Мессина менен Катанияны байланыштырган маанилүү жол катары кызмат кылган. Шаардын жүрөгүндө жайгашкан бул көчө бүгүнкү күндө туристтер үчүн негизги сейилдөө жери болуп саналат.
Булактар
[түзөтүү | булагын түзөтүү]- Visit Taormina/La Storia di Taormina
- Древний город-курорт Таормина и вулканическая Катания
- Insight vacations/Fascinating Sicilian history to discover in the ancient town of Taormina by Leanne Williams
- Villa Scimone/A Brief History of Taormina
| |||||||||||
