Гереро

	Гереро
	; Гереро үй-бүлөсү (19 кылымдын аягы). ;
Мамлекеттер жана аймактар
	Бардыгы: 240 миң адам; Намибия; Ангола; Ботсвана; ТАР
Тили	гереро, африкаанс, англис, португал
Дини	протестантизм,; жергиликтүү салттуу ишенимдери
Расалык тиби	негроид
Кирет	бантулар

Гереро (овагереро, мбанду) — эл. Негизинен Намибияда жашайт. Аз сандуу топтор Ботсванада, Анголада жана Түштүк-Африка Республикасында бар.
Жалпы саны 240 миң адам.

Тил

Гереро, ошондой эле англис, африкаанс жана португал тилдеринде сүйлөшөт.

Дин

Көпчүлүк жергиликтүү салттуу ишенимдерди карманышат. Калгандары христиандар (протестанттар).

Чарбалык иштер

Малчылык менен алектенишет. Фермаларда жалданып иштешет. Шаарларда соода тармагында иштешет.

Тарых

Гереро уруулары азыркы мекенине 16 кылымда көчүп келишкен.
1904-1907-жылдары герман аскерлери көтөрүлүштү басуу учурунда гереро элинин 65 миңге жакын (элдин 80%тин) адамын кырып жок кылышкан. Аман калгандарды болсо концлагерге камашты.

Кошумча фактылар

Германия гереро жана нама элдерине каршы геноцидди расмий түрдө таанып, Намибия өкмөтүнөн кечирим сурап, компенсация төлөп берүүгө убада кылган.^[1]