Арстан падыша

Wikipedia дан

"Арстан падыша" (англ. The Lion King, орус. Король Лев) -1994-жылы "Walt Disney Feature Animation"өндүргөн жана "Walt Disney Pictures" жайылткан бир-нече бөлүмдүү америкалык анимацияланган мюзикл тасма. Бул "Disney" студиясынын 32-анимацияланган тасмасы болуп саналат. Тасма Африкадагы арстандар королдугунда жер алып, Уиллиям Шекспирдин "Гамлет" чыгармасынан таасир алган. Тасманын режиссёрлору: Рожер Аллес, Роб Минкоф, продюсери жана сценарийин жазгандар Ирен Меччи, Жонатан Робертс жана Линда Вулвертон. Тасмада үн коштогондор: Мэттью Бродерик, Жеймс Эрл Жонс, Жереми Айронс, Жонатан Тейлор Томас, Мойра Келли, Натан Лейн, Эрни Сабелла,Роан Аткинсон, Роберт Гийом, Мэдж Синклер, Вупи Голдберг, Чиич марин жана Жим Каммингс.

"Арстан падыша" - арстандар үйүрүнүн падышасы болуу үчүн атасы Муфасанын жолун жолдогон Симба аттуу жаш арстан тууралуу. Бирок Симбанын агасы Скар Муфасаны өлтүргөндөн кийин, Симба куугунтукка алынат. Андан соң ал эки тентимиш менен жүрүп жетилет.

"Арстан падыша"- 1994-жылы-15-июнда чыгып, киносынчыларынын жакшы сын-пикирлерине арзыган. Алар ошондой эле тасманын музыкалык окуясына жана анимацияланышына баа беришкен. Тасма 1994-жылдын эң кирешелүү тасмасы деп табылган жана дүйнөдөгү эң кирешелүү тасмалардын арасында экинчи орунду ээлеген. "Арстан падыша" мыкты музыка категориясында "Оскар" сыйлыгына жана "Мыкты тасма-мюзикл же комедия" наамында "Алтын Глобус" сыйлыктарын жеңип алган.

Тасма 2016-жылы Конгресс Китепканасы тарабынан"маданий, тарыхый, эстетикалык жактан маанилүү" деп табылып, Американын Улуттук кино реестринде сакталууга тандалып алынган.

Сюжети[оңдоо | булагын оңдоо]

Тартылгандар[оңдоо | булагын оңдоо]

Шилтемелер[оңдоо | булагын оңдоо]