Арашан (Аламүдүн району)

Айыл Арашан Өлкө КыргызстанКыргызстан Район Аламүдүн району Айыл аймагы Арашан айыл аймагы Координаттар 42°43′59″ с. ш. 74°38′37″ в. д. Тарыхы жана Географиясы Негизделген күнү 1924 Убакыт аралыгы UTC+6 Калкы Калкы 3452 адам (2019) Сандык идентификаторлор

Арашан — Кыргызстандын Чүй облусунун Аламүдүн районундагы айыл. Арашан айыл аймагына кирет. Аламүдүн суусунун сол өйүзүңдө жайгашкан.

Райондун административдик борбору — Лебединовка айылынан 25 км түштүк тарапта жайгашат, Аламүдүн темир жол бекетинен 23 км.

Тарых

1924-жылы негизделген.

Калк

Калкы ― 3452 (2019-жылы), 3832 киши (2009-жылы), 2700 (1986-жылы); мал чарбасында, дыйканчылыкта эмгектенишет.

Инфратүзүм

Айылда А. Стрельникова атындагы орто жалпы билим берүү мектеби, балдар бакчасы иштейт. Ошондой эле маданият үйү, мечит бар. 2016-жылдын 17-сентябрында «Газпром — балдарга» программасынын алкагында республикада «Газпром» ААК тарабынан курулган төртүнчү дене тарбия жана ден соолукту чыңдоо комплекси ачылган. 2019-жылы 50 керебеттүү оорукана ачылган.

Көрүнүктүү инсандар

• Бектембаев Ибраим (1896—1978) — «Аламүдүн» сүт асыл тукум совхозунун малчысы.
• Стрельникова Федосия Афанасьевна (1900—1960) — чарбалык жана мамлекеттик ишмер.
• Титов Фёдор Степанович (1913—1962) — «Аламүдүн» асыл тукум совхозунун бригадири.
• Жумагулов Апас Жумагулович (1934) — мамлекеттик ишмер.
• Атамбаев Алмазбек Шаршенович (1956) — мамлекеттик жана саясий ишмер.
• Жакупова Чолпон Идиновна (1959) — мамлекеттик жана коомдук ишмер.
• Коеналиев Турусбек Кармышевич (1962) — мамлекеттик ишмер.
• Ибраимов Албек Сабирбекович (1967) — мамлекеттик ишмер.