Инфекция

Wikipedia дан

Инфекция (лат. inficio - зыян келтирем, жуктурам) – патогендүү (оору козгоочу) митенин адамдын же айбанаттын организмине кириши жана көбөйүшү. Организмге кирген инфекция козгогучу бир органда же тканда кармалат. Мисалы, эволюциялык процессте котур кенеси теринин эпителий катмарына, баш келте козгогучу кан тамыр капталына, грипп вирусу дем алуу жолдорунун былжырлуу челпне мителик кылууга ыңгайлашкан. Организмге мите кпргенде мпте менен организм ортосунда инфекциялык процесс жүрөт. Инфекциянын бул же тигил түрүнүн пайда болушу козгогучтун каспетине, организмдин абалына, ооруну кабыл алгычтыгына жараша болот. Патогендүү микроорганизмдердин кээ бирлери ар кандай жаныбарларды ылаңдатат, көбү жаныбардын айрым түрүнө гана мителик кылат. Инфекция козгогучтун түрүнө жараша бактерпялык, вирустук, мите козу карындык, риккетсиялык жана башкалар болуп бөлүнөт. Ал катуу кармаган, өнөкөт же инфекция алып жүрүүчүлүк түрүндө бплпнет. Инфекция булагы оорулуу же козгогучту алып жүрүүчү организм. Ичеги-карын ооруларынын (дизентерия, ич келте жана башкалар) козгогучу заң, заара менен бөлүнөт, тамакаш менен, дем алуу жолдорунун ооруларынын козгогучу чүчкүргөндө, жөтөлгөндө, сүйлөгөндө, дем алганда аба аркылуу жугат. Баш келте, безгек жана башкалар ооруларда козгогуч мителик кылган кан соруу курт-кумурска (бпт, бүргө, чпркей) аркылуу тарайт.

Колдонулган адабияттар[оңдоо | булагын оңдоо]