Мазмунга өтүү

Кең-Суу (Түп району)

Википедия дан
(«Кең-Суу, Түп району‎»‎ барагынан багытталды)
Бул түшүнүктүн башка маанилерин караңыз: Кең-Суу.
Айыл
Кең-Суу
Өлкө Кыргызстан
Облус Ысык-Көл облусу
Район Түп району
Айыл аймагы Каркыра айыл аймагы
Координаттар 42°45,16′ с. ш. 78°43,38′ в. д.HGЯO
Тарыхы жана Географиясы
Борборунун бийиктиги 1760 м
Убакыт аралыгы UTC+6
Калкы
Расмий тили Кыргыз тили
Калкы 2338[1] адам (2020)
Улуттук курамы Кыргыздар
Сандык идентификаторлор
Телефон коду +996
Почта индекси 722406
Автоунаа коду 09, I
Кең-Суу (Түп району) (Кыргызстан)

Кең-Суу — Кыргызстандын Ысык-Көл облусунун Түп районундагы айыл. Каркыра айыл аймагынын курамына кирет.

ААББТ коду ― 41702 225 865 03 0[2].

Географиясы

[түзөтүү | булагын түзөтүү]

Ысык-Көл өрөөнүнүн түндүк-чыгышында, Түп суусунун ортоңку агымынын оң жээгинде, Түп – Каркыра автоунаа жолунун боюнда, деңиз деңгээлинен 1760 м бийикте жайгашкан. Райондун борбору Түп кыштагынан 51 км түндүк-чыгыш тарапта. Балыкчы темир жол бекетинен 222 км.

Калкы

[түзөтүү | булагын түзөтүү]
жылы 2007 2009 2020
адам. 1886 ↗ 1922[3] ↗ 2338[1]

Инфратүзүмү

[түзөтүү | булагын түзөтүү]

Негизинен айыл тургундары мал чарбасы менен алектенет. Айылда мектеп, китепкана, медпункт, футболдук аянтча, дүкөн бар. Спорттук иш-чараларда айылдын футбол боюнча жана көк-бөрү боюнча курама командалары "Кең-Суу" аталышы менен мелдештерге катышат. Түгөлбай Сыдыкбеков атындагы мектепте 530 окуучу билим алат. Ошондой эле Мусталий уулу Нуркожо ажы атындагы мечит бар.

Белгилүү инсандары

[түзөтүү | булагын түзөтүү]
  • Аман Саспаев (1929-2015) — Кыргыз Республикасынын маданиятына эмгек сиңирген ишмер, жазуучу, публицист, котормочу, полиглот, сөздүк түзүү ишинин чебери.
  • Зияш Бектенов (1911-1994) — Кыргыз мамлекетинин илим тармагына салым кошкон илимпоз, тилчи, манас таануучу, педагог, филология илимдеринин кандидаты, профессор, котормочу жана Улуу Ата Мекендик согуштун катышуучусу.
  • Садыр Жапаров (төр. 1968) — Кыргыз Республикасынын президенти. Кумтөрдөгү алтын өндүрүүчү "Centerra Gold" компаниясынын элге зыяны чоң деп айтып чыкканы менен белгилүү.
  • Кусеин Карасаев (1901-1998) — Советтик жана Кыргызстандык лингвист, лексикограф, педагог, адабият таануучу, фольклорист.
  • Түгөлбай Сыдыкбеков (1912-1997) — Советтик жана Кыргызстандык жазуучу, Кыргыз профессионал адабиятынын патриархы, коомдук ишмер, Кыргыз Республикасынын туңгуч баатыры, Кыргыз ССРинин Илимдер академиясынын академиги, Кыргыз Республикасынын Эл жазуучусу, СССР Мамлекеттик сыйлыгынын лауреаты.
  • Мыктыбек Мукаев (Мыкы) (төр. 1994) — Тамашоучу, актёр, алып баруучу, "Позитифф" командасынын оюнчусу, Жарайт сити долбоорунун актёру.
  • Мирзат Муканов (төр. 1989) — "Санжыра" радиосунун жаңылыктар бөлүмүнүн редактору, "Өзгөчө пикир", "Биздин замандын кишилери" теледолбоорунун автору, НТС каналынын диктору, Кыргыз Республикасынын маданиятынын мыкты кызматкери.

Булактар

[түзөтүү | булагын түзөтүү]
  1. ↑ 1.0 1.1 2020 калкты каттоо. Ысык-Көл облусу. Текшерилген күнү 7 -июнь (кулжа) 2021. Түп булактан архивделген күнү 10 -август (баш оона) 2011.
  2. ↑ Кыргыз Республикасынын администрациялык-аймактык жана аймактык бирдиктердин объектилерин белгилөө тутумунун мамлекеттик классификатору
  3. ↑ 2009 Population and Housing Census (орусча). The National Statistical Committee of the Kyrgyz Republic (2010). Текшерилген күнү 12 -ноябрь (жетинин айы) 2013. Түп булактан архивделген күнү 10 -август (баш оона) 2011.

Колдонулган адабияттар

[түзөтүү | булагын түзөтүү]

“Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9

"https://ky.wikipedia.org/w/index.php?title=Кең-Суу_(Түп_району)&oldid=482914" булагынан алынды