Халифа бин Салман Аль Халифа
| Халифа ибн Салман Аль Халифа ар. خليفة بن سلمان آل خليفة | |||
.jpg) | |||
| |||
|---|---|---|---|
| 1971-жыл 16-август — 2020-жыл 11-ноябрь | |||
| Монарх: | Иса ибн Салман Аль Халифа Хамад ибн Иса Аль Халифа | ||
| Андан мурунку: | кызматы жаңы түзүлгөн | ||
| Андан кийинки: | Салман ибн Хамад ибн Иса Аль Халифа | ||
| |||
| 1970-жыл 19-январь — 1971-жыл 16-август | |||
| Монарх: | Иса ибн Салман Аль Халифа | ||
| Андан мурунку: | кызматы жаңы түзүлгөн | ||
| Андан кийинки: | кызмат жоюлган | ||
| Дини: | ислам, cүннөт | ||
| Туулган жылы: | 24 -ноябрь 1935 | ||
| Туулган жери: | Бахрейн, Түндүк мухафаза, Жасра | ||
| Каза болгон жылы: | 11 -ноябрь 2020 (84 жаш) | ||
| Каза болгон жери: | АКШ, Миннесота, Рочестер | ||
| Мүрзөсүнүн орду: | Риффа, Хунайния көрүстөнү | ||
| Уруусу: | Аль Халифа | ||
| Атасы: | Салман ибн Хамад Аль Халифа | ||
| Жубайы: | Хесса бинт Али Аль Халифа | ||
| Балдары: | балдары: Мохаммад, Али, Салман кызы:Лулва | ||
| Сыйлыктары: |
| ||
.svg)
Халифа ибн Салман Аль Халифа (ар. خليفة بن سلمان آل خليفة) — Бахрейндин падышалык династиясынын мүчөсү жана Бахрейндин 1970-2020 жж. премьер-министри[1].
Өмүр баяны
[түзөтүү | булагын түзөтүү]
1935-жылы 24-ноябрда Байхрейндин Түндүк мухафазасынын Жасра аймагында туулган[1]. Бийликтеги падыша Хамад ибн Иса аль-Халифанын бир тууганы.
1970-жылы улуу агасы Иса ибн Салман аль-Халифа тарабынан премьер-министр болуп дайындалган. 1971-жылдын 16-августуна чейин анын кызматы Мамлекеттик кеңештин төрагасы деп аталган. Премьер-министр болуп 50 жыл иштеген, бирок 2002-жылдагы Конституцияга ылайык, министрлерди дайындоо жана кызматтан кетирүү сыяктуу ыйгарым укуктарынын бир бөлүгүн падышага өткөрүп берген. Халифа канзаадасы бийликтеги үй-бүлөнүн эң бай мүчөсү жана Бахрейндеги эң ири ишкерлердин бири.
Халифа бин Салман Аль Халифа ден соолугуна байланыштуу 2019-жылдын сентябрь айында дарылануу үчүн Германияга барып, 2020-жылдын март айында Бахрейнге кайтып келген. Ал акыркы жолу 2020-жылдын июль айында өкмөттө жыйын өткөрүп, 2020-жылдын август айында дарылануу үчүн АКШга барган.
2020-жылдын 11-ноябрында АКШнын Миннесота штатынын Рочестер шаарында 85 жаш курагында каза болгон[2][3]. Халифа бин Салман Аль Халифа каза болгондон кийин Бахрейнде жети күндүк улуттук аза күтүү жана Бангладеште 17-ноябрь мамлекеттик аза күтүү күнү деп жарыяланган[4][5]. Сөгү 2020-жылдын 11-ноябрында Риффадагы Хунайния көрүстөнүнө коюлган[6][7].
Өмүрүнүн 50 жыл 11 айын премьер-министр кызматын аткарууга арнап, тарыхта эң узак премьер-министр болгон адам катары калды[8].
Жеке жашоосу
[түзөтүү | булагын түзөтүү]Али бин Хамада Аль Халифанын төртүнчү кызы Хессе бинт Али Аль Халифага үйлөнгөн. Жубайлардын үч уулу жана бир кызы бар[1]:
- Мохаммад ибн Халифа Аль Халифа (1951 — 14-июль 1974-жыл) — үйлөнгөн эмес, балдары жок.
- Али ибн Халифа Аль Халифа (15-февраль 1955-жыл) — мурдагы премьер-министрдин орун басары. Үй-бүлөлүү, 4 баласы бар.
- Салман ибн Халифа Аль Халифа — 2018-жылдан бери каржы жана улуттук экономика министри.
- Лулва бинт Халифа Аль Халифа (1952-жылы туулган) — Рашид ибн Халифа Аль Халифага турмушка чыккан, 6 балалуу.
Белгилүү туугандары
[түзөтүү | булагын түзөтүү]Жээни Дейя бинт Ибрагим Аль Халифа Riyada Group компаниялар тобунун президенти. 2014-жылы Forbes журанлынын версиясы боюнча Жакынкы Чыгыштагы эң таасирдүү аялдардын тизмесине кирген[9].
Сыйлыктары
[түзөтүү | булагын түзөтүү]Бахрейндин сыйлыктары
[түзөтүү | булагын түзөтүү]
Бахрейн — Аль-Халифа ордени- Бахрейн — Иса бин Салман аль Халифа орденинин атайын классынын кавалери
- Бахрейн — Хамада падышасынын кайра жаралуу доорунун орденин 1-класстагы кавалери
Чет мамлекеттердин сыйлыктары
[түзөтүү | булагын түзөтүү]
Ирак — Дарыялар арасынын ордени
Дания — Данеброг ордени
Ливан — Улуттук Кедр ордени
Испания — Католик Изабелланын ордени
Иордания — Кайра жаралуу ордени
Малайзия — Падышалыктын коргоочусу ордени
Филиппин — Сикатуна ордени
Таиланд — Ак пил ордени
Франция — Ардактуу легион ордени
Марокко — Алауит тактысынын ордени- Филиппин — Лакандула ордени
Булактар
[түзөтүү | булагын түзөтүү]- ↑ 1.0 1.1 1.2 H.R.H. Prince Khalifa Bin Salman Al Khalifa Prime Minister of the Kingdom Of Bahrain
- ↑ Bahraini PM Khalifa bin Salman Al Khalifa Dead at 84
- ↑ Bahrain’s longest serving prime minister, Prince Khalifa Al Khalifa, dies at 84
- ↑ Bahrain: Authorities declare week-long mourning period following death of Prime Minister November 11
- ↑ Bangladesh declares state mourning over Bahrain PM’s death
- ↑ Bahrain buries world's longest serving prime minister
- ↑ Bahrain Roundup 2020: Death of Bahraini Prime Minister in the US
- ↑ Bahrain’s long-serving PM Khalifa bin Salman Al Khalifa dies
- ↑ Farbes. №36 Shaikha Dheya Ebrahim Al Khalifa