Даниялыктар

Wikipedia дан
Jump to navigation Jump to search
Даниялыктар
DANISH COSTUMES1911.jpg
Даниялыктар (1911-жыл)
Расмий аталышы

Danskere

Учурда жайгашкан ареалы жана саны

Бардыгы: 5 602 628[1]
2013-жылдагы маалымат боюнча
Flag of Denmark.svg Дания : 4 963 806
Flag of the United States.svg АКШ: 1 430 897
Flag of Canada.svg Канада: 170 780
Flag of Brazil.svg Бразилия: 140 000
Flag of Australia.svg Австралия: 100 000
Flag of Germany.svg Германия: 50 000
Flag of Sweden.svg Швеция: 42 602
Flag of Spain.svg Испания: 8 944
Калып:Өлкө желеги/Гренландия: 6 500
Flag of New Zealand.svg Жаңы Зеландия: 3 507
Flag of Iceland.svg Исландия: 2 802
Flag of the Faroe Islands.svg Фарер аралдары: 2 800
Flag of Ireland.svg Ирландия: 809

Тили

Данча

Дини

Лютерчилик (Христианчылык)

Расалык тиби

Европеоид

Тууган элдер

Шведдер

Даниялыктар, дандар (өздөрүн дан- скере деп аташат) – Даниянын негизги калкы. Швеция, Норвегия, Германия (Шлезвиг-Гольштейн жери), АКШ, Канада, Австралияда да жашашат. Саны 5,7 млн киши, анын ичинде 5,1 млну Данияда (2000). Даниялыктар дания (дан) тилинде сүйлөшөт. Даниялыктардын көпчүлүгү лютеран, калгандары протестант жана католик дининде. Даниялыктардын түпкү теги биздин заманга чейин 3-миң жылдыктын аягында Даниянын азыркы аймагына Скандинавия аралынан көчүп келишкен кимврлер, юттар, англдар, сакстар сыяктуу герман уруулары, 5–6-кылымда Түштүк Швециядан келген дан уруулары (өлкө ошолордун атынан Данмарк же дандар жери деп аталган) деген божомолдор бар. Алар фриздер, Балтика өндүрүндөгү славяндар менен аралашып, бир этноско биригип кеткен. Викингдердин үстөмдүгүнүн тушунда Даниялыктардын мамлекети пайда болуп, христиан динин кабыл алган. 10–11-кылымда бирдиктүү дания эли калыптанып, 19-кылымда улут болуп түзүлгөн. Негизинен дыйканчылык, мал чарбачылык, балык уулоочулук менен кесиптенишет. Даниялыктарда байыртадан кол өнөрчүлүгү өнүккөн. Темир жана жыгач устачылык, зергерчилик, карапачылык, кездеме жана килем токуу иштери өнүгүп, 19-кылымдын аягына чейин бетине көчөт түшүрүлгөн оймо-чиймелүү карапа жана металл буюмдары кеңири колдонулган. Эркектер кездеме токуп, жаныбарлардын турпатын жыгачтан жасашкан. Даниялыктардын көпчүлүгү шаарларда турушат. Улуттук кийимдери негизинен жүндөн токулат. Аялдар жеңдүү кофта, кенен тигилген узун юбка кийип, алжапкыч тагынышкан. Эркектер ак көйнөк, багалеги тизе ылдый шым, тизеден жогору жүн байпак, күрмө, улгайгандары кемсел, башына жүндөн токулган баш кийим же цилиндр (өтө бийик төбөлүү калпак) кийишкен. Тамак-ашы – эт, балык, сүт азыктары, анын ичинде күрүч, таруу, буудай, арпадан бышырылган ботко, фледегред (малина менен каймак аралаштырып жасалган буудай ботко), бутерброддун 700 түрү, маргарин кеңири колдонулат. Суусундук катары кофе, чай ичишет. Айыл жерлеринде дыйкандар арпадан пиво кайнатышат. Улуттук майрамдары – Ыйык Люсия (13-декабрь), Ыйык Кнюда (13-январь) жана башка.

Колдонулган адабияттар[оңдоо | булагын оңдоо]

  • Кыргызстан:энциклопедия
  • Larsen, Dorthe Folketal. Danmarks Statestik. Текшерилген күнү 7 Апрель 2013.