Чороев, Кубанычбек Кадырмамбетович

Wikipedia дан
Jump to navigation Jump to search
Журналист Кубанычбек Чороев Бишкек шаарында. 10-ноябрь, 2014-жыл.

Кубанычбек Кадырмамбетович Чороев (Kubanychbek Choroev; 1954-жылы 10-ноябрда Чүй облусундагы Кант районуна караштуу Люксембург кыштагында туулган) - кыргызстандык журналист, жазуучу, агартуучу, ишкер.

Кыскача өмүр таржымакалы[оңдоо | булагын оңдоо]

Кубанычбек Кадырмамбетович Чороев 1954-жылы 10-ноябрда Кыргызстандын Чүй облусуна караштуу Кант районундагы (азыркы Ысык-Ата районундагы) Люксембург кыштагында туулган.

Анын ата-бабасы Кыргызстандагы Нарын облусуна караштуу Нарын районунун Он-Арча кыштагында - Эчки-Башы айылынан.

Чоң атасы Чоро ажы Айты уулу Саты небереси - айылдагы беделдүү инсандардын бири, элүү башы болгон, падышалык Орусиянын тушунда Мекеге ажылыкка барган. Теги - кыргыздын тынымсейит уруусунан.

Атасы - Кадырмамбет Чороев (1922-1975). Энеси - Алия Кыдыралиева (1924-2001).

Кубанычбек Кадырмамбетович Чороев орто мектепти туулуп-өскөн айылы Эчки-Башыда бүтүргөн.

1971-жылдан тартып эмгек жолун Нарын облусундагы Нарын шаарында куруучу-монтажчы болуп иштеп баштаган.

1974-жылы Кыргыз Улуттук университетинин журналистика бөлүмүнө кабыл алынып, аны 1980-жылы бүтүргөн.

Нарын, Бишкек шаарларында "Нарын правдасы" (1980-82), "Жеңиш" (1982-85), "Мугалимдер гезити" (1985-1990), "Береке"(1991-92), ж.б. гезиттерде иштеген.

Журналист Кубанычбек Чороев жубайы Нурипа Чойбекова менен Бишкектеги “Ала Тоо” тойканасында. 10-ноябрь, 2014-жыл.

1989-90-жж. "Мугалимдер гезити" аттуу гезиттин жооптуу катчысы болуп иштеген.

1991-93-жылдары «Береке» гезитинин башкы редакторунун орун басары болуп иштеген.

1993-жылдан бери жекече ишкер. Бишкек шаарында жашайт.

Чыгармачылыгы[оңдоо | булагын оңдоо]

Көркөм чыгармаларынын жана журналисттик серептеринин толптомун өзүнчө китеп кылып жарялаган ("Жылдыздар кайтып келишет". Бишкек: Турар басмасы, 2014).

Жүздөгөн публицисттик макалалары жана кабарлары Кыргызстандагы мезгилдүү басма сөздө жарык көргөн.

Үч ырына обон жаратылган (2014). Ал ырлардын бири Эчки-Башы айылына арналган.

Даңазалуу айылдаштары[оңдоо | булагын оңдоо]

К.Чороевдин устаттарынын бири - ардагер журналист Сулайман Мамбеталиев, Кубанычбектин улуу агасы Жумамүдүн Кадырмамбетов жана анын уулу Таалайбек Жумамүдүн уулу. Нарын району, Нарын облусу, Кыргызстан. 27.9.2012.

К.Чороев өз айылдаштары - манасчы Дуңкана Кочуке уулу, коомдук ишмер Күмүш Суран кызы, кыргыздын чыгаан акын кызы, маркум Жумакан Тынымсейитова, диктор Капар Алиев, заманбап кыргыз жазуучусу Кеңеш Жусупов, журналист Сулайман Мамбеталиев, генерал Бейше Молдогазиев, композитор Сайыргазы Түркмөнов, архитектор Вера Алиева (1940-2014), мугалим Өмүр Абдыкадыров, түрколог, профессор Гүлзура Жумакунова сыяктуу бир катар улуу замандаштары менен сыймыктанып, алардын салымдарын даңазалап келет.

Үй-бүлөсү[оңдоо | булагын оңдоо]

Үй-бүлөлүү, өмүрлүк жолдошу Нуруйпа Чойбекова да жекече ишкер.

Кызы, эки небереси бар.

Жалпы 8 бир тууганы бар: ата-энесинин тун уулу – Жумамүдүн (15.02.1946), эжеси Гуля (24.10.1951), үчүнчү - Кубанычбек өзү (10.11.1954), төртүнчүсү - иниси Тынчтыкбек (28.03.1959), бешинчиси - иниси Бакытбек (04.02.1962), алтынчысы - карындашы Гүлмира (04.02.1964), жетинчиси - карындашы Нуржан (16.12.1968), сегизинчиси - кенже иниси Нурлан (10.05.1971).

Чыгармаларынын тизмеси[оңдоо | булагын оңдоо]

  • Чороев К. К. Жылдыздар кайтып келишет / Жооптуу редактор Жумабек Медералиев. - Бишкек: Турар, 2014. ISBN 978-9967-15-367-7. - 278 бет, сүрөттөр.
  • Чороев К. К. Дөөлөт таңы: Повесть, аңгеме, новеллалар, эскерүүлөр / Редактор Жумабек Медералиев. - Бишкек: Турар, 2015. - ISBN 978-9967-15-497-1. - 304 бет, сүрөттөр.

Адабият тизмеси[оңдоо | булагын оңдоо]

Интернеттеги шилтемелер[оңдоо | булагын оңдоо]


Айылдаштары, замандаштары. Кыскача сүрөт баян[оңдоо | булагын оңдоо]

Эчки-башылыктардын өздүк көркөм чыгармачылык тобу. Жетекчиси - Сайыргазы Түркмөнов. 1960-жыл.
Эчки-башылык мугалимдер тобу мектеп деректири Самүдүн Шайкыев менен бирге. 1970-жыл.
Эчки-башылыктар (оңдон солго): Күмүш Суранова, Кеңеш Жусупов, Жумамүдүн Кадырмамбетов, Тынчтык Иманалиев. Бишкек шаары, Кыргызстан. 2007-жылдын 14-апрели.
Капар Алиев. 1960-жылдардын акырындагы үй-бүлөлүк сүрөт архивинен. Бишкек (Фрунзе) шаары, Кыргызстан.
Кыргыз эл жазуучусу Кеңеш Жусупов. 11.3.2012.
Кыргыз архитектор айымы Вера Алиева. Бишкек шаары, Кыргызстан. 2012-жылдын 20-октябры.
Профессор Гүлзура Жумакунова Кэмбриждеги илимий жыйында. 20.9.2011.