Еврокөрүнүү балдар ыр сынагы 2012

Еврокөрүнүү балдар ыр сынагы 2012; Break The Ice! (Музду жар!)
Дата	1-декабрь 2012-жыл
Алып баруучулар	Эвоут Генеманс; Ким Лиан Ван Дер Мей
Мүдүр	Ситце Баккер
Кожоюн телеканал	AVRO
Өткөрүлүүчү жай	Нидерланддар, Амстердам, Heineken Music Hall
Жеңүүчү ыр	«Небо», (Украина)
Добуш берүү ыкмасы	50/50 - телекөрүүчүлөр/калыстар
Өлкөлөрдүн саны	12
Алгачкы катышуу	Азербайжан; Албания; Израиль
Баш тартуу	Болгария; Латвия; Литва; Македония
Нөл упай	болгон эмес
	Еврокөрүнүү балдар ыр сынагы 2012
	◄ 2011 2013 ►

Еврокөрүнүү балдар ыр сынагы 2012 — Нидерланддардын борбор калаасы Амстердамда 2012-жылдын 1-декабрында болуп өткөн онунчу, мааракелүү балдар ыр сынагы. Сынак Heineken Music Hall аренасында өткөрүлгөн^[1]. Бул жылы Украиналык сынакчы, 10 жаштагы Анастасия Петрик "Небо" деген ыры менен 138 упай топтоп жеңүүчү аталды.

Уюштуруучуну тандоо жана өткөрүлүүчү жай

2011-жылдын 11-октябрында Ереванда өткөн делегациялардын башчыларынын жолугуусунда уюштуруучу-өлкө катары Нидерланддар жарыяланган.^[2]

2012-жылы 27-февралда Европа телерадио бирикмеси жана уюштуруучу-телеканал AVRO, уюштуруучу топтун отурумунда, сынак 2012-жылдын 1-декабрында Нидерланддардын борбор шаары Амстердамдагы Heineken Music Hall аренасында өтө тургандыгын далилдешкен.^[1]

Сынактын концепциясы, логотиби жана шөкөтү даяр экендиги Бакыдагы Еврожумалыкта жарыяланган^[3].

Эрежелердеги өзгөрүүлөр

Мурда катышкан жаш аткаруучулардын кайрадан катышуусуна тыюу салган эреже жокко чыгарылды. Аны менен бирге эле добуш берүү системасына кесиптүү калыстар тобунан жана телекөрүүчүлөрдүн добуш берүүсүнөн сырткары, ар бир өлкөдөн бир өкүлдөн турган, 10 жаштан 15 жашка чейинки курактагы балдардан түзүлгөн балдар калыстыгы да кошулган. Бул калыстар стандарттуу 1-12 упайларды ыйгарат^[3].

Сынактын алып баруучулары

2012-жылы 27-февралда Европа телерадио бирикмеси жана уюштуруучу-телеканал AVRO, уюштуруучу топтун отурумунун убагында, 2012-жылкы сынактын алып баруучуларынын ысымдарын ырасмый түрдө аташкан, алып баруучулар болуп Эвоут Генеманс менен Ким-Лиан Ван Дер Мей дайындалышкан.^[1]

Эвоут Генеманс Нидерланддардагы популярдуу ырчы, актер жана телепродюсер, ошондой эле 2011-жылкы Еврокөрүнүү балдар ыр сынагы үчүн улуттук тандоонун — «Junior Eurovisiesongfestival» финалынын алып баруучусу болгон.^[4]

Ким-Лиан Ван Дер Мей Нидерланддардагы музыкалдуу актриса, 2007-жылы Сипке Ван Бусема менен биргеликте Роттердамда өткөн Еврокөрүнүү балдар ыр сынагынын алып баруучусу болгон.^[5]

Улуттук тандоолор

Бардык катышуучу-өлкөлөрү ачык түрүндөгү улуттук тандоолорду (теледобушберүүнү колдонуу менен) өткөрүүсү зарыл, бирок бир нече өлкөлөргө ЕТРБ ички тандоо жүргүзүүсүнө уруксат берет, сынакка катышышы үчүн эле. Мисалы 2010-чу жана 2011-жылдары бөтөнчө Латвия үчүн кана уруксат берилген.

Сынакка катышуу үчүн табыштама берген өлкөлөр, октябрь айыында болп туруучу уюштуруучу топтун отурумуна чейин ачык же ички тандоолорду өткөрүүгө милдеттүү. Бул жылы ачык улуттук тандоолорду Орусия, Швеция, Украина, Беларусь, Армения, Албания, Молдова, Бельгия жана Нидерланддар өткөргөн.

Өлкө	Дата	Тандоо	Телеберүү	Маалымат
Орусия	3-июнь 2012	Улуттук Тур	Россия-1/РТР-Планета	Орус улуттук тандап алуу турунун финалы «Академиялык» концерт залында өтткөн. Жеңүүчү болуп «Сенсация» деген ыры менен Валерия Енгалычева^[6] табылган.
Швеция	6-июнь 2012	Lilla Melodifestivalen 2012	SR/SVT	Стокгольмдогу «Gröna Lund»дун башкы сахнасында болгон Lilla Melodifestivalen 2012, сынагынын жеңүүчүсү — Лова Сённербо, «Mit mod» деген ырды аткарган^[7].
Украина	8-июль	Дитяче Євробачення-2012	NTU	Украин тандоосунун финалы Артекте өтткөн. Анастасии Петриктин аткаруусундагы «Nebo» ыры жеңген^[8]
Израиль	10-октябрь	Ички тандоо	IBA	Тандоо турунун жеңүүчүсү — Kids.il, «Let the music win»^[9]
Беларусь	28-сентябрь	Еврокөрүнүү үчүн ыр-2012	BRTC	Тандоо турунун жеңүүчүсү болуп Егор Жешко табылган, «А море, море..» ыры менен^[10]^[11]
Армения	30-сентябрь	Մանկական Եվրատեսիլ 2012	ARMTV	Тандоо турунун жеңүүчүсү — Compass band, «Sweetie baby»^[12]
Албания	4-октябрь	Junior Fest Albania 2012	RTSh	Тандоо турунун жеңүүчүсү — Игзидора Гьета, «Kam një këngë vetëm për ju»^[13] (англ.)^[14]
Молдова	5-октябрь	Ички тандоо	ТРМ	Молдованы сынакта «Toate vor fi» ыры менен Денис Мидонэ көрсөткөн^[15]
Бельгия	6-октябрь	Junior Eurosong 2012	VRT	Бельгияны сынакта «Abracadabra» ыры менен Фабиан Фейартс көрсөткөн^[16]
Нидерланддар	6-октябрь	Junior Eirosongfestivalen 2012	AVRO	Тандоо турдун финалы 6-октябрда болгон. 2 жарымфиналдардын жыйынтыгы боюнча финалга 4 катышуучу чыккан. «Tik Tak Tik» деген ыры менен Фемке жеңүүчү^[17].
Азербайжан	9-октябрь	Улуттук тандоо туру	Ictimai TV	Улуттук тандоонун жеңүүчүлөрү Омар Султанов жана Суада Алекперова^[18]
Грузия	10-октябрь	Ички тандоо	GPB	Тандоо турунун жеңүүчүсү — «Funky Lemonade» ырын аткарган «The Funkids» тобу^[19]

Катышуучулар

Европа телерадиоберүү бирикмеси катышуу үчүн табыштамаларды кабыл алууну 2012-жылдын 2-июлунда ырасмый токтоткон, бирок катышуучу өлкөлөрдүн саны төмөн болгондуктан EBU табыштамаларды кабыл алуу мөөнөтүн октябрдын ортосуна чейин узарткан. 2011-жылы ЕТРБ жана ARMTV Балдар үчүн Еврокөрүнүү 2011 сынагына кошумча табыштамаларды кабыл алуусун чечишкен, бирок жыйынтыгында сынакка бир кана Болгария кошулган. 2012-жылы сынакка катышуу макулдугун 12 өлкө тактады.

№	Өлкө	Тил	Аткаруучу	Ыр	Котормо	Орун	Упай
1	Беларусь	Орусча, Италянча	Егор Жешко	«А море, море»		09	56
2	Швеция	Шведче	Лова Сөннербо	«Mitt Mod»	«Менин кайратым»	06	70
3	Азербайжан	Азербайжанча, Англисче	Омар Султанов менен Суада Алекперова	«Girls and Boys (Dünya Sənindir)»	«Кыз балдар жана (Дүйнө сеники)»	11	49
4	Бельгия	Голландча	Фабиан Фейартс	«Abracadabra»	«Абракадабра»	05	72
5	Орусия	Орусча, Англисче	Валерия Енгалычева	«Sensation»	«Жаңырык»	04	88
6	Израиль^[3]	Англисче, Жөөөтчө, Орусча, Французча,	Kids.il	«Let the music win»	«Музыка жеңсин»	08	68
7	Албания	Албанча	Игзидора Гьета	«Kam një këngë vetëm për ju»	«Мен сен үчүн ыр жаздым»	12	35
8	Армения	Армянча, Англисче	Compass band	«Sweetie baby»	«Таттуу балакай»	03	98
9	Украина	Англисче, Украинче	Анастасия Петрик	«Nebo»	«Асман»	1	138
10	Грузия	Англисче, Грузинче	The Funkids	«Funky Lemonade»	«Шайыр Лимонад»	02	103
11	Молдова	Англисче, Молдованча	Денис Мидонэ	«Toate vor fi»	«Бардыгы жакшы болот»	10	52
12	Нидерланддар (уюштуруучу)	Голландча	Femke	«Tik Tak Tik»	«Тик Так Тик»	07	69

Добуш берүү жадыбалы

Жыйынтыктарды жарыялоодон мурда ар бир катышуучу Европа телерадиоберүү бирикмесинен жана AVRO телеканалынан 12 упайдан алышкан.

Алган\берген өлкөлөр		БК													Баары
Беларусь	12	1	-	1	7	2	4	1	2	7	10	7	2	-	56
Швеция	12	6	7	-	1	5	5	7	12	2	2		7	4	70
Азербайжан	12	2	2	3	-	1	3	-	10	-	5	8	-	3	49
Бельгия	12	3	3	7	3	-	7	6	7	5	1	4	6	8	72
Орусия	12	8	10	8	2	8	-	4	-	8	6	6	10	6	88
Израиль	12	4	5	4	5	4	8	-	1	6	8	3	1	7	68
Албания	12	-	-	-	12	-	-	3	-	1	-	1	4	2	35
Армения	12	5	8	6	-	7	10	10	3	-	12	12	3	10	98
Украина	12	10	12	12	4	12	12	12	6	12	-	10	12	12	138
Грузия	12	12	6	10	8	6	6	8	5	10	7	-	8	5	103
Молдова	12	-	4	2	10	3	2	5	4	3	4	2	-	1	52
Нидерланддар	12	7	1	5	6	10	1	2	8	4	3	5	5	-	69

12 упай

Саны	Алган өлкө	Берген өлкө
8	Украина	Беларусь, Швеция, Бельгия, Орусия, Израиль, Армения, Молдова, Нидерланддар
2	Армения	Украина, Грузия
1	Албания	Азербайжан
1	Грузия	БК (балдар калыстыгы)
1	Швеция	Албания

Кайтып келген аткаруучулар

Бул жылы бир кана төмөнкү аткаруучу кайтып келген. Эскерте кетсек, мурдагы жылдары сынакка бир жолу катышкан жаш ырчы кайра катыша алчы эмес, бул эрежени быйыл алып салышкан.

Өлкө	Аткаруучу	Жыл(дар)	Мурдагы Орун
Молдова	Лерика	2011 ( Молдовадан)	6

Алгачкы катышуу

Азербайжан — «Азербайжан мурда эч качан Балдар Еврокөрүнүүсүнө катышкан эмес. Биз азырынча биринчи жолу 2012-жылкы сынакка кошулуу мүмкүнчүлүктөрүн кана талкулоодобуз. Азыр бир нерсе деп айтууга эрте», Азербайжандын Ичтимаи телеканалынан жооп^[3].
Албания — Алгачкы катышуу 2005-жылы болуш керек болчу, бирок белгисиз себептерден улам Албания табыштама берген эмес. 25-июль күнү RTSh телеканалы 2012-жылы катышууга ырасмый табыштама берди.
Израиль — Алгачкы катышуу 2008-жылы болуш керек болчу, бирок каржы маселесинен улам табыштама алып салынган. 2012-жылы 10-июлда IBA телеканалы мамлекеттин сынакта катышуусу жөнүндө ырасмый жарыялады.

Баш тартуу

Улуу Британия — каржы көйгөйлөрү BBC.
Дания — ДаниянынMelodi Grand Prix Junior 2012 тандоосу январь айында өтүп катышуучу тандалган эле, бирок эрежелер мындай эрте өткөрүүгө тыюу салат. DR бөтөнчөлүктү ЕРТБдан суранышкан, бирок бары бир катышууга уруксат бербей койгон.
Испания — Мурдагы жылы TVE кайтып келүү аракеттерин жасоодо болчу, бирок сүйлөшүү убактысынын тардыгы тоскоол болуп калган. 2012-жылы өлкө сынакка кайтып келген жок.
Кипр — CyBC Бакыдагы Еврожумалыкта каржы маселесинен улам быйыл сынакка катышыҲшпоосун билдиришкен.
Латвия — каржы көйгөйлөрү.
Литва — каржы көйгөйлөрү.
Мальта — PBM жана TVM тандоо өткөрүү ашыкча сарптуу деп эсептешет, бул жылы катышуу укугу TVMге өткөн болчу.
Норвегия — ички көйгөйлөр. NRK.
Португалия — ЕТРБдан чакыруу алышкан, бирок өлкөдөгү каржы жаатындагы татаалдыктардан улам катышуудан баш тартышканын жарыялашкан.
Румыния — каржы көйгөйлөрү.
Сербия — январда РТС Сербияны сынакка кайтып келиши мүмкүн экендигин жарыялаган, бирок «Балдар үчүн Еврокөрүнүү — 2012» тизмесинде жок болуп чыкты.
Македония^[3] — Сынак MKRTV телеканалынын каржы долбооруна кирбегендигин македон өкүлчүлүгү билдирди.