Кыргыз Республикасынын Баатыры

	«Ак-Шумкар»
Өлкө	Кыргызстан
Тип	өзгөчө белги
Кимге ыйгарылат	жарандарга
Ыйгаруу себеби	мамлекет жана эл алдында өзгөчө эмгек сиңирген, Кыргыз Республикасынын эркиндиги жана эгемендүүлүгүн сактоого баатырдык эрдик кылгандарга
Статус	ыйгарылат
Статистика
Түзүлгөн күн	16 апрель 1996 жыл
Биринчи ыйгарылган	4 февраль 1997 жыл
Ыйгаруулардын саны	22

«Кыргыз Республикасынын Баатыры» - Кыргыз Республикасынын жогорку даражадагы өзгөчөлүк белгиси. 1996-жылы 16-апрелде «Кыргыз Республикасынын мамлекеттик сыйлыктары» мыйзамынын негизинде түзүлгөн. 2013-жылдын июнуна карата 22 Кыргыз Республикасынын баатырлары белгилүү.

Жобосу

"Кыргыз Республикасынын Баатыры" жогорку даражадагы наамынын жобосу 1996-жылдын 10-ильда Кыргыз Республикасынын президентинин жарлыгы менен бекитилген.

Бул жобо менен:

«Кыргыз Республикасынын Баатыры» жогорку даражадагы өзгөчөлүк наамы мамлекет жана эл алдында өзгөчө эмгек сиңирген, Кыргыз Республикасынын эркиндиги жана эгемендүүлүгүн сактоого баатырдык эрдик кылган жарандар сыйланат. «Кыргыз Республикасынын Баатыры» жогорку даражадагы өзгөчөлүк наамы Кыргыз Республикасынын президенти тарабынан бир жолу гана ыйгарылат. Жогорку даражадагы өзгөчөлүк наамына татыган адамга «Ак-Шумкар» өзгөчө белгиси ыйгарылат.

«Кыргыз Республикасынын Баатыры» жогорку даражадагы өзгөчөлүк наамына татыган адамдардын энесине Баатыр эне ордени ыйгарылат.

«Ак-Шумкар» өзгөчө белгиси

«Ак-Шумкар» өзгөчө белгиси алтындан жасалып, жогорку деңгээлдеги сегиз нур 40 мм айлананы, жана ылдыйкы деңгээлдеги он алты нур 30 мм айлананы түзүп, симметриялык жылдыз формасында жасалган. Нурлардын, чектеринин жана формасынын караандары тоо чокуларын жана ачылган тоо жоогазынын элестетет. Жылдыздын борбордук диски рельефтүү күмүш лавр жалбырагы менен чегеленген. Дисктин борборунда ыйык Ак-Шумкардын күмүштөн жасалган рельефтүү сүрөттөлүшү жайгашкан. Дөңгөчү, кызыл эмаль талаачасында түндүктүн рельефтүү сүрөтү тумар ^[1] формасында жасалган.

КР баатырлары

№	Аты-жөнү	Берилген жылы	Кесиби / Кызматы
1	Түгөлбай Сыдыкбеков (1912—1997)	1997	Советтик жана Кыргызстандык жазуучу
2	Чыңгыз Айтматов (1928—2008)	1997	Советтик жана Кыргызстандык жазуучу
3	Тургунбай Садыков (1935)	1997	Советтик жана Кыргызстандык айкелчи, профессор.
4	Салижан Шарипов (1964)	1998	Орусиялык космонавт .
5	Турдакун Усубалиев (1961—1985)	1999	Мамлекеттик ишмер
6	Сабира Күмүшалиева (1917—2007)	2000	Советтик жана Кыргызстандык актриса
7	Курманбек Арыков (?)	2002	«Нарынгидроэнергострой» акционердик коомунун Төмөнкү-Нарын филиалынын темир-бетон конструкцияларын монтаждоочусу.
8	Акбаралы Кабаев (?)	2002	«Нарынгидроэнергострой» акционердик коомунун Төмөнкү-Нарын филиалынын темир-бетон конструкцияларын бригадири
9	Асанкан Жумакматов (1923—2008)	2003	Советтик жана Кыргызстандык дирижёр
10	Мамбет Мамакеев (1927)	2004	Хирург жана коомдук ишмер
11	Абсамат Масалиев (1933—2004)	2005	Мамлекеттик ишмер
12	Сүйүнбай Эралиев (1921—2016)	2006	Акын жана котормочу
13	Сооронбай Жусуев (1925—2016)	2007	Акын жана котормочу
14	Төлөгөн Касымбеков (1931—2011)	2007	Советтик жана Кыргызстандык жазуучу
15	Эрнис Акрамов (1936)	2009	Хирург, медицина илиминин доктору, профессор жана мамлекеттик ишмер