Авлетим

Айыл Авлетим Авлетим суусунун боюндагы Бүркүт айкели Өлкө КыргызстанКыргызстан Облус Жалал-Абад облусуЖалал-Абад облусу Район Аксы району Координаттар 41°32.70′N 71°49.60′E Тарыхы жана Географиясы Негизделген күнү 1922 Мурунку аталышы Афлатун Борборунун бийиктиги 1110 м Убакыт аралыгы UTC+6 Калкы Расмий тили Кыргыз тили Калкы 2 122 адам (2009) Диний курамы Ислам Сандык идентификаторлор Автоунаа коду 04, D

Авлетим (мурдагы аталышы Афлатун) — Жалал-Абад облусунун Аксы районундагы айыл. Авлетим айыл өкмөтүнүн курамына кирет. Итагар суусунун боюнда, Бозбутоонун түндүк-чыгыш этегинде, деңиз деңгээлинен 1110 м бийиктикте жайгашкан. Райондун борбору Кербен шаарынан 24 км түндүк-чыгыш тарапта. Шамалды-Сай темир жол бекетинен 90 км. 1922-ж. отурукташкан. Калкы 2122 (2009); негизинен дыйканчылыкта, мал чарбасында, токойчулукта эмгектенет. Орто мектеп, оорукана, китепкана, 2 мончо, 4 тегирмен, май чыгаруучу цех, токой чарбасынын кеңсеси, жыгаччылык цехи, 2 ашкана, базар бар. Улуу Ата Мекендик согушта курман болгондорго эстелик тургузулган.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1