Исфара
Исфара – Тажикстандын түштүгүндөгү шаар (1952-жылдан). Исфара дарыясынын боюнда. Калкы 35,5миң (1991). Темир жол станциясы. Гидрометаллургия, жарык берүүчү техника жабдуулары, минерал боёктор ж. б. заводдор, консерва, курулуш материалдар комбинаты иштейт. 16-кылымдан белгилүү. Тарыхый-край таануу музейи бар. Исфарага жакын Абдулла-хан мечити (16-кылым), орто кылымга таандык Калай-Боло чебинин калдыктары, Хазрати-Баба мавзолейи (10–12-кылымдар, Чорку кыштагында) сакталган.
Колдонулган адабияттар[оңдоо | булагын оңдоо]
- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5