Свердлов району

Свердлов району
Герб;	Желек;
Өлкө	Кыргызстан
Статусу	район
Негизделген күнү	25-февраль 1958-жыл
Расмий тили	Кыргыз тили
Аянты	33,4 км²
Тууралыгы	8,4 км
Узундук	12 км
Расмий сайты

Свердлов району ― Бишкек шаарынын 4 райондорунун бири, шаардын түндүк-чыгышында орун алган, аянты 3340 га, калкыкын саны 216,3 миң адамдан ашык район.

Тарыхы

Район алгач 1958-жылы 25-февралда Кыргыз Советтик Социалисттик Республикасынын Борбордук аткаруу Комитетинин жыйынынын чечими менен түзүлгөн, андан кийин убактылуу жоюлуп, 1964-жылы кайрадан түзүлгөн. Районду түзүү жөнүндө токтомдо анын аймагы «Фрунзе көчөсүнүн түндүгүндөгү» бардык аймактар деп сүрөттөлгөн. 1974-жылы район азыркы контурун алган. Район негизделгенден бери анын администрациясы (мурда райисполком деп аталган) Чүй проспектиси, 28 дарегинде жайгашып келет.

2022-2024-жылдары Кыргыз Республикасынын Президентинин «Кыргыз Республикасынын административдик-аймактык түзүлүшүн өркүндөтүү жана региондорду өнүктүрүү боюнча андан аркы чаралар жөнүндө» жарлыгынын негизинде аймактык реформа жүргүзүлгөн^[1].

Кыргыз Республикасынын Президентинин 2023-жылдын 29-декабрындагы №370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» жарлыгын ишке ашыруунун алкагында айыл аймактарын Бишкек шаарына кошуу боюнча иштер жүргүзүлдү. Свердлов районунун курамына Аламүдүн айыл аймагы, Лебединовка айыл аймагы, Төмөнкү Ала-Арча айыл аймагы кошулуп, ошондой эле МАБ-21 аймагы кеңейтилген^[2].

Пилоттук режимде административдик-аймактык реформа жүргүзүүнүн алкагында, Свердлов районуна кошулган айыл аймактары:


Аламүдүн	Лебединовка	Төмөнкү Ала-Арча	МАБ-21
Аламүдүн айылы. Садовое айылы.	Лебединовка айылы. Восток айылы. Дачное айылы. Жаңы конуштар: «Айкөл» жаңы конушу. «Биримдик-Кут» жаңы конушу. «Кырман» жаңы конушу. «Тунгуч-44» жаңы конушу. «Өскөн-Ордо» жаңы конушу. Контурлар: № 7 контуру. № 18 контуру. № 19 контуру. № 26 контуру. № 28 контуру. № 30 контуру. № 31 контуру. № 34 контуру. № 66 контуру. № 80 контуру. № 151 контуру. № 154 контуру. № 156 контуру. № 159 контуру. № 160 контуру. № 214 контуру. № 215 контуру. № 218 контуру.	Төмөнкү Ала-Арча айылы. «7ГА» жаңы конушу. «19ГА» жаңы конушу. № 2 контуру. № 4 контуру. № 16 контуру. № 17 контуру. № 18 контуру. № 20 контуру. № 22 контуру. № 25 контуру. № 27 контуру. № 37 контуру. № 902 контуру. № 903 контуру.	Мыкан айылы. «Адилет» жаңы конушу. «Ак-Жар» жаңы конушу. «Нуркожо-Ата» жаңы конушу. № 1466 контуру. № 1462 контуру. № 1402 контуру. № 1398 контуру. № 1410 контуру. № 1384 контуру. № 1382 контуру. № 1358 контуру. № 1361 контуру. № 1362 контуру. № 1345 контуру. № 1348 контуру. № 1352 контуру. № 1354 контуру. № 1143 контуру. № 1370 контуру.

Географиясы

Пилоттук режимде административдик-аймактык реформа жүргүзүүгө чейинки райондун чектери:

Батыш тарабы:

Ж. Абдрахманов көчөсү — темир жолдон Жибек-Жолу проспектисине чейин (чыгыш жагы), Жибек-Жолу проспектиси — Ж. Абдрахманов көчөсүнөн Т. Молдо көчөсүнө чейин (түндүк жагы), Т. Молдо көчөсү — Жибек-Жолу проспектисинен Саадаев көчөсүнө чейин, Саадаев көчөсү — Т. Молдо көчөсүнөн дренаждык коллекторго чейин, андан ары «Ак-Тилек», «Ак-Тилек-2», «Келечек» жана «Ак-Бата» конуштарынын (чыгыш жагы) чек аралары аркылуу өтөт, андан ары Елебесов көчөсү аркылуу Аламүдүн районунун Төмөнкү Ала-Арча жана Майское айылдарына чейин^[3].

Түндүк тарабы:

«Ак-Бата», «Дордой-2», «Эне-Сай» конуштарынын чек аралары боюнча Алма-Ата көчөсүнө чейин жана «Бакай-Ата» конушунун түндүк жагы боюнча өтөт^[3].

Чыгыш тарабы:

ЖЭБ каналынын аркылуу, Энергетиктер шаарчасы, Салиева көчөсү — Ауэзов көчөсүнөн Ч.Валиханов көчөсүнө чейин (түндүк жагы), андан ары Луганская көчөсү, Сокулук көчөсүнө чейин, Лермонтов көчөсү — Сокулук көчөсүнөн Жибек-Жолу проспектисине чейин жана «Бакай-Ата» конушу аркылуу өтөт^[3].

Түштүк тарабы:

Темир жол — Ж. Абдрахманов көчөсүнөн тартып, ЖЭБ аймагы, «Тепличный» совхозу, өнөр жай зонасы жана «Учкун» микрорайонуна чейин^[3].

Обьектер

Свердлов району Бишкек шаарынын эң бир чоң жана өнөр жай ишканалары көп аймагы болуп эсептелинет^[3]. Бул райондун аймагында:

Бишкек ЖЭБ (ТЭЦ);
24 орто мектеп;
спорттук мектеп;
3 лицей;
4 университет;
11 поликника;
аймактык оорукана;
төрөт үйү;
Республикалык диагностикалык борбору;
17 бала бакча бар.

Булактар

Тышкы шилтемелер

http://meria.kg/index.php?option=com_content&view=article&id=6012&Itemid=373&lang=ru Archived 2016-02-01 at the Wayback Machine

[1] КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ. Кыргыз Республикасынын административдик-аймактык түзүлүшүн өркүндөтүү жана региондорду өнүктүрүү боюнча андан аркы чаралар жөнүндө

[2] КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ. Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө

[:0-3] 3.0 ^3.1 ^3.2 ^3.3 ^3.4 Бишкек шаарынын мэриясына караштуу Свердлов административдик району боюнча муниципалдык администрациянын паспорту

[1]

[2]

[3]

Кыргызстандын административдик бөлүнүшү
Баткен облусу	Баткен · Кадамжай · Лейлек
Жалал-Абад облусу	Аксы · Ала-Бука · Базар-Коргон · Ноокен · Сузак · Тогуз-Торо · Токтогул · Чаткал
Ысык-Көл облусу	Ак-Суу · Жети-Өгүз · Тоң · Түп · Ысык-Көл
Нарын облусу	Ак-Талаа · Ат-Башы · Жумгал · Кочкор · Нарын
Ош облусу	Алай · Араван · Кара-Кулжа · Кара-Суу · Ноокат · Өзгөн · Чоң-Алай
Талас облусу	Бакай-Ата · Кара-Буура · Манас · Талас
Чүй облусу	Аламүдүн · Жайыл · Кемин · Москва · Панфилов · Сокулук · Чүй · Ысык-Ата
Бишкек шаары	Октябрь · Биринчи май · Свердлов · Ленин · Чоң-Арык ш.т.а · Орто-Сай айылы
Ош шаары