Тогуз-Торо району

Тогуз-Торо району
район
Тогуз-торо району
Өлкө	Кыргызстан
Облус	Жалалабат
Seat	Казарман
Time zone	GMT +5 (UTC+5)

Тогуз-Торо району — Жалал-Абад облусунун түндук-чыгышындагы администрациялык район. 1935-ж. уюшулган. Түндүгүнөн Нарын облусунун Жумгал, чыгышынын Ак-Талаа райондору, түндук-батышынан Токтогул, батышынан Базар-Коргон, Сузак райондору, түштүгүнөн Ош облусунун Өзгөн району менен чектешет. Аянты 3962 км². Калкы 22,3 миң (2001). Орто жыштыгы 1 км² жерге 4,1 киши туура келет. Райондо 5 айыл өкмөтү (Атай, Көк-Ирим, Каргалык, Сары-Булуң, Тогуз-Торо), 13 кыштагы бар, борбору — Казарман айылы.

Макмал алтын комбинаты

Макмал алтын комбинаты 1986-жылы ачылган. Учурунда он жыл гана иштөөгө эсептелген комбинат узартылып отуруп, 2016-жылдагы эсептөөлөр менен бир жарым жылдык запастагы гана алтыны калган. Бүтүндөй бир районду иш жана социалдык экономикалык жактан кармап, Тогуз-Торонун бюджетинин 95% ар кандай которуулар жана салыктан түшкөн каражат менен түзүлөт.

Курамы

Кошумча караңыз: Кыргызстандын административдик-аймактык түзүлүшү

Райондо 5 айыл аймагы жана алардын курамына кирген 14 айыл бар:

• Атай айыл аймагы: Атай (борбору), Карл Маркс;
• Көк-Ирим айыл аймагы: Арал (борбору), Бирдик;
• Каргалык айыл аймагы: Казарман (борбору), Кызыл-Жылдыз, Макмал, Чет-Булак;
• Сары-Булуң айыл аймагы: Кара-Суу (борбору), Табылгыты;
• Тогуз-Торо айыл аймагы: Дөдөмөл (борбору), Кош-Булак, Ленин, Өрнөк;

Эскертүү: Каргалык айылдык кеңеши Каргалык айыл аймагында “Кызыл-Жылдыз” калктуу конушу жок болгондугуна байланыштуу калктуу конушту Кыргыз Республикасынын Улуттук статистика комитетинин мамлекеттик классификатордон чыгаруусун сунуштаган.

Атай

Карл Маркс

Арал

Бирдик

Казарман

Кызыл-Жылдыз

Макмал

Чет-Булак

Кара-Суу

Табылгыты

Дөдөмөл

Кош-
Булак

Ленин

Өрнөк

Тогуз-Торо районундагы калктуу конуштардын картасы

Колдонулган адабияттар

• Кыргызстандын географиясы Archived 2014-07-14 at the Wayback Machine ISBN 9967-14-006-2