Теркс жана Кайкос аралдары
Теркс жана Кайкос аралдары — Улуу Британия ээлиги. Кариб деңизиндеги 2 аралдар тобунан (Багама аралынан түштүк-чыгышка, Гаити аралынан түндүгүрөөк) турат. Аянты 430 км2. Калкы 20,1 миң (2010). Административдик борбору – Кукбурнтаун. Расмий тили – англис тили. Аралдын курамына кирген 40ка жакын аралдын 8инде гана адам жашайт. 1962-ж. чейин Улуу Британиянын ээлиги Ямайканын бир бөлүгү болгон. Ямайка көз каранды эместикке ээ болгондон Багама аралынын ээлиги. 1973-жылдан Улуу Британиянын башкаруусунун астында болуп, учурда өз алдынча көз каранды эмес аймак. Аралды мыйзам чыгаруучу кеңештин мүчөлөрү тарабынан дайындалган губернатор башкарат. Анын курамы премьер-министрден жана 4 министрден турат. Калкынын негизин мурунку кулдардын тукумдары негрлер (90%) түзөт. Аралда ичүүчү таза суу жокко эсе. Ошондуктан алар негизинен жаан суусун пайдаланат.
Колдонулган адабияттар[түзөтүү | булагын түзөтүү]
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9