Ангилья

	Ангилья; англ. Anguilla
Туу	Герб
	Гимн: «God Bless Anguilla»
	Файл:Anguilla on the globe (Americas centered).svg и LocationAnguilla.png
Расмий тили	Англис тили
Борбор шаары	Валли
Ири шаарлар	Валли
'
Аянты; • Жалпы	; 91 км²
Калкы; • Бааланган ([[\|]]); • Жыштыгы	; 18 090 адам (220); 198.79 ад./км²
Акча бирдиги	Чыгыш кариб доллары
Домени	.ai
ISO коду	AI
Телефон коду	+1-264
Убакыт аралыгы	UTC -4

Ангилья, Ангуилла - Улуу Британиянын Кариб деңизиндеги ээлиги. Кичи Антил архипелагынын түндүк четинде жайгашкан. Ангилья аралын (аянты 91 км², узундугу 26 км, туурасы 5 км; эл жашаган арал) жана элсиз аралдар тобун (Скраб, Дог, Сомбреро, Прикли-Пир-Кейс, Сил жана башка) камтыйт. Аянты 102 км² (башка маалыматтар боюнча 96 км²). Калкы 12,7 миң (2003); негизинен Вест-Индиялык негрлер (90%), ошондой эле мулат, англичандар жашайт. Динге ишенгендер протестанттар (англикандар, методисттер). Административдик борбору - Валли. Расмий тили - англис тили. Акча бирдиги - чыгыш кариб доллары. Аралдары акиташтуу кумдуу пляждардан туруп, алар шуру (коралл) рифтери менен курчалган. Ангилья аралынын жеринин бети салыштырмалуу тегиз келип, жапыз дөбөлөрдөн (бийиктиги 65 м, Крокус-Хилл) турат. Климаты тропиктик, пассаттык. Айлык орточо температурасы 18-24°С. Эң ысык мезгили урагандуу июнь-октябрга туура келет. Жылдык жаан-чачыны 700-1200 мм (максималдуу август-ноябрда, минималдуу февраль - апрелде). Жаан суусу ичүү үчүн пайдаланылат. Өсүмдүгү сейрек саванна; жапыз өскөн бадалдар деградацияга учураган. Аралды жээктей кокос пальмасы, жүзүм өстүрүлөт. Ички дүң продукциясын киши башына бөлүштүргөндө 8600 доллардан (АКШ) туура келет (2001). Чарбасынын негизин чет элдик туристтерди тейлөө (жылына 45 миң) түзөт. Туз казылып алынат. Балык, омар, лангуст кармалат. Таттуу картошка, тамеки, ак жүгөрү (сорго), жашылча, жүгөрү айдалат. Кой, эчки, чочко багылат. Темир жол жок. Автомобиль жолунун узундугу 105 км (анын 65 кми асфальтталган). Башкы деңиз порту - Блоуинг-Пойнт. Чакан эл аралык аэропорту бар. Сыртка омар, балык, туз, ром чыгарып; сырттан отун, азык-түлүк, химикат, тиричилик товарларын алат. Негизги соода шериктери: АКШ, Улуу Британия, Пуэрто-Рико.

Колдонулган адабияттар

“Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1

Түндүк Америка мамлекеттери
Эгемендүү мамлекеттер	Антигуа жана Барбуда • Багам аралдары • Барбадос • Белиз • Гаити • Гватемала • Гондурас • Гренада • Доминика • Доминикана Республикасы • Канада • Коста-Рика • Куба • Мексика • Никарагуа • Панама • Сальвадор • Сент-Люсия • Сент-Винсент жана Гренадиндер • Сент-Китс жана Невис • АКШ • Тринидад жана Тобаго • Жамайка
Көз каранды аймактар	Америка Виржин аралдары • Ангилья • Аруба • Бонайре, Синт-Эстатиус жана Саба • Британия Виржин аралдары • Гваделупа • Гренландия • Кайман аралдары • Клиппертон • Кюрасао • Мартиника • Монтсеррат • Навасса • Пуэрто-Рико • Сан-Андрес жана Провиденсия • Сен-Бартелеми • Сен-Мартен • Сен-Пьер жана Микелон • Синт-Мартен • Теркс жана Кайкос аралдары • Венесуэланын федералдык ээликтери