Төрөбеков Бекжан Төрөбекович - И.Раззаков атындагы Кыргыз мамлекеттик техникалык университетинин илимий иштер жана тышкы байланыштар боюнча проректор, техника илимдеринин доктору, профессор, Кыргыз Республикасынын билим берүүсүнө эмгек сиңирген кызматкер.

Кыскача өмүр таржымалы жана билими

Туулган жылы:	20 -октябрь 1958 (66 жаш)
Туулган жери:	Токтогул, Кыргызстан
Өлкө:	Кыргызстан
Илимий чөйрөсү:	техника
Иштеген жери:	Кыргыз Мамлекеттик Техникалык Университети
Илимий даражасы:	техника илимдеринин доктору
Илимий наамы:	Профессор
Сыйлыктары	; "Кыргыз Республикасынын билим берүүсүнө эмгек сиңирген кызматкери" ардак наамы
Сайты:	kstu.kg

Төрөбеков Бекжан Төрөбекович - 1958-жылы Кыргыз Республикасынын Токтогул районундагы Жаңы-жол айылында туулган,

1981-ж. – Токтогул районунун В.Куйбышев атындагы орто мектепти алтын медаль менен бүтүргөн (учурда Мулкубат орто мектеби)
1976 — 1979-ж. — Фрунзе политехникалык институтунун инженер-механик адистигинде окуган;
1979-1981-ж.- Киев автоунаа-жол институтунун (КАЖИ) автоунаа факультетинде окуп, аны артыкчылык диплому менен бүтүргөн;
1985-1989-ж. — Киев автоунаа-жол институтунун аспирантурасында билим алган;
1992-ж. – КАЖИде илимий кандидаттык диссертациясын жактаган;
1995-ж. – Автоунаа кафедрасынын доценти илимий наамы ыйгарылган;
2002-ж. – ОшТУнун профессору илимий наамы ыйгарылган;
2007-ж. — И.Раззаков атындагы КМТУнун профессору болуп дайындалган
2017-ж.- техника илимдеринин доктору диссертациясын жактаган

Кошумча кесиптик билим жана дасыгууну жогорулатуу

1996 - ж. - ТРАСЕКА долбоору боюнча кыска мөөнөттүү окутуу курстарынын тренерлер үчүн Б-секториалдык тренинг, Алматы ш.;
2006 - ж. - Россия Федерациясынын Стандартташтыруу, метрология жана сертификация Академиясынын Кыргыз филиалында дасыгуунун жогорулатуу курсу
2009 - ж. - ТРАСЕКА программасы, Транспорттук окуу боюнча тренинги. Стамбул, Түркия
2009 - ж. - “Университетти жана билим берүүнүн сапатын башкаруу” программасы, такшалтма, Цинциннати ш., АКШ;
2010 - ж. - Билим берүү программаларын аккредитациялоо жана жаңы муундагы негизи билим берүүнүн программаларын иштеп чыгуу программасынын алкагында дасыгуунун жогорулатуу. Москва, НИТУ “МИСиС”
2017 - ж. - Академиялык мобилдүүлүк жана эл аралык кызматташтык боюнча Евразия биримдигинин “Билим берүүдөгү инновациялык технологиялары” кошумча кесиптик программасы, Прага шаары, Чехия Республикасы

Эмгек жолу жана ишмердүүлүгү

Кесиптик эмгек жолун 1981-жылы Фрунзе политехникалык институтунун (ФПИ) Ош кечки окуу факультетинде (ОКФ) окутуучу болуп иштеп баштаган.

1981 – 1985-ж. – ФПИнин Ош факультетинин окутуучусу;
1989 – 1990-ж. – ФПИнин Ош факультетинин окутуучусу;
1990 – 1993-ж. – ФПИнин Ош факультетинин, филиалынын окутуучусу, доцент;
1993-ж. – ФПИнин Ош филиалы Ош технологиялык колледжи болуп түзүлгөн, окуу бөлүмүнүн башчысы;
1994-ж. – Ош технологиялык колледжи, окуу-маалыматтык борборунун башчысы;
1996-ж. – Ош технологиялык университетинин (ОшТУ) унаа жана энергетика факультетинин деканы;
2000-ж. – ОшТУнун экономика жана каржы проректору;
2002-ж. – ОшТУнун экономика жана аралыкта окутуу проректору;
2003-ж. – ОшТУнун окуу иштери боюнча биринчи проректору;
2003-2010-жж. – И.Раззаков атындагы Кыргыз мамлекеттик техникалык университетинин (КМТУ) “Унаа менеджменти” кафедрасынын башчысы;
2004-2012-жж. – И.Раззаков атындагы КМТУнун Окуу иштери боюнча биринчи проректор;
2012-2016-жж. — И.Раззаков атындагы КМТУнун Өнүгүү боюнча проректору;
2016 - 2021-жж. — И.Раззаков атындагы КМТУнун Өнүгүү жана мамлекеттик тил боюнча проректору;
07.07. 2021-жж. — И.Раззаков атындагы КМТУнун Илимий иштер жана тышкы байланыштар боюнча проректору;

Коомдук жана илимий-инновациялык ишмердүүлүк

1982-1985-жж. – ФПИнин Ош факультетинин комсомол комитетинин катчысы;
2003-2007-жж. – Ош шаардык Кеңешинин депутаты;
2004-жылдан баштап КР Билим берүү жана илим министрлигинин Окуу-методикалык бирикмесинин төрагасы; окуу-методикалык секциянын төрагасы;
2008-2011-жж. – сертификациялоо системасы боюнча сапат менеджменттин эксперти;
2008, 2011-ж. – КР Экономикалык жөнгө салуу министрлигинин эксперти;
2011-ж. ЕврАзЭСтин астында унаа саясат Кеңешинин унаа тармагындагы билим берүү жана илим боюнча жумушчу тобунун мүчөсү;
2011-2013-жж. – Кыргыз Республикасынын жогорку билим берүү системасын реформалоо боюнча Улуттук команданын эксперти;
2008,2011- Кыргыз Республикасынын “Жер үстүндөгү унаа каражаттарынын коопсуздугу боюнча техникалык регламенти” мыйзам-долбоорун иштеп чыгуу жана “КРнын жер үстүндөгү унаа каражаттарынын коопсуздугу боюнча жалпы техникалык регламенти” Мыйзам долбооруна өзгөртүүлөрдү киргизүү боюнча эксперттик коммисиясынын төрагасы жана мүчөсү;
2018-ж. баштап Аккредитациялоо боюнча чет элдик эки агенттиктин (Казакстан) жана КРнын эки аккредитациялык агенттиктердин эксперти ;
2019-ж. баштап - КР Транспорт жана жолдор министрлигинин коомдук кеңешинин мүчөөсү.

"2004-2015-ж.ж. Кыргыз Республикасында инженердик билим берүү Концепциясын" иштеп чыгуу боюнча жумушчу тобунун мүчөсү;
"2017-ж. чейин Кыргыз Республикасынын жогорку кесиптик билим берүүнү өнүктүрүү Концепциясынын" эксперттик тобунун мүчөсү;
2007-ж. - "Сорос - Кыргызстан " фондунун “ЖОЖдордо сапат кепилдигинин ички системасын уюштуруу” колдонмосун иштеп чыгуу боюнча редакциялык топтун мүчөсү;
2009-ж. - “Билим берүү” Улуттук долбоорунун Концепциясын иштеп чыгуу боюнча жумушчу тобунун мүчөсү;
2013-2014-жж. - Бакалавр жана магистрдик программалардын III муундагы Мамлекеттик окуу стандарттарынын экспертизасына катышуу;
2013-2016-жж. –PhD, магистр программаларын, жана аккредитациялоо боюнча ченемдик базасын түзүүгө катышуу;
2016-ж. - Кыргыз Республикасынын ЖОЖдордун рейтингин аныктоо боюнча Жобосун иштеп чыгуу жана ишке ашыруу. Республикада биринчи жолу мамлекеттик ЖОЖдордун рейтинг системасын түзүүнү жетектеген.
2006-2015-жж. ДААД, ТАСИС, Дүйнөлүк банк, "Сорос - Кыргызстан" , ТРАСЕКА, ТЕМПУС долбоорлорунун жана программаларынын катышуучусу

180ден ашуун илимий иштердин автору, анын ичинде 1 монография, 4 окуу куралы даярдалган, 7 автордук күбөлүктүн, 2 патенттин ээси. 3 илимдин кандидатын жетекчилик кылып коргоого чыгарган. Диссертациялык кеңештин мүчөсү. Кыргыз Республикасынын билим берүү жана илим министрлигинин 7 илимий гранттарынын жетекчиси жана аткаруучусу болгон. Илимий жана усулдук изилдөөлөрдүн жыйынтыктары Кыргыз Республикасынын жогорку билим берүү системасын, ЖОЖдорду маалыматтык башкаруу ишмердүүлүгүн, унаа тармагын өнүктүрүү боюнча програмалык документтерге киргизилген.

Сыйлыктары

1996-ж. - “Кыргыз Республикасынын элге билим берүү мыктысы” белгиси;
1999-ж.- Кыргыз Республикасынын Билим берүү жана илим министрлигинин Ардак грамотасы;
2006-ж. - Кыргыз Республикасынын автоунаа жана коммуникация министрлигинин Ардак грамотасы;
2007-ж. - Кыргыз Республикасынын баскетбол Федерациясынын Ардак грамотасы;
2010-ж. - Кыргыз Республикасынын Ардак грамотасы;
2014-ж. - Кыргыз Республикасынын Өкмөтүнө караштуу Мамлекеттик байланыш агенттигинин Ардак грамотасы;
2014-ж. - Кыргыз Республикасынын Өкмөтүнүн Ардак грамотасы;
2015-ж. - КРдин Президентине караштуу Улуттук тил комиссиясынын “Кыргыз тили” төш белгиси;
2018-ж - КРнын Транспорт жана жолдор министрлигинин “Ардактуу автотранспортчу” белгиси.;
2018-ж. - "Кыргыз Республикасынын билим берүүсүнө эмгек сиңирген кызматкери" ардак наамы;
2020-ж. - Билим берүү программаларын жана мекемелерин аккредитациялоо боюнча агенттигинин "Ардак грамотасы".