Форрест Гамп

Форрест Гамп
Режиссеру	Роберт Земекис
Продюсер	Венди Файнерман; Стив Тиш; Стив Старки;
Сценарийи	Эрик Рот
Оператору	Дон Бержесс
Негизинде	Форрест Гамп; автору: Уинстон Грум
Тартылгандар	Том Хэнкс; Робин Райт; Гэри Синиз; Майкелти Уилямсон; Салли Филд;
Музыкасы	Алан Силвестри
Редактору	Артур Шмидт
Жайылтуучу	Paramount Pictures
Чыккан жылы	июнь 23, 1994 (Лос-Анжелес); июль 6, 1994 (АКШ); ; ; ;
Узактыгы	142 мүн.
Өлкөсү	АКШ
Тили	Англис
Бюджети	$55 млн
Киреше	$677.9 млн

"Форрест Гамп" (англ. Forrest Gump, орус. Форрест Гамп) — 1994-жылы Роберт Земекис тарткан, Уинстон Груумдун 1986-жылдагы ошол эле аталыштагы романына негизделген америкалык комедиялуу-драма. Тасмага тартылгандар: Том Хэнкс, Робин Райт, Гари Синис, Майкелти Уилямсон жана Салли Филд. Окуя кем акыл, бирок жүрөгүндө кири жок, ак көңүл, ошондой эле жүгүрүүдө алдына киши салбаган алабамалык Форрест Гамптын жашоосун сүрөттөйт. Тасмада Форрест ХХ кылымдын экинчи жарымында, тагыраак айтканда 1944-1982-жылдар аралыгында АКШда болуп өткөн кээ бир орчундуу окуяларга күбө болуп, айрымдарына таасир этет. Уинстондун романы Гамптын мүнөзү жана кээ бир окуялардын сүрөттөлүшү жагынан тасмада бир топ өзгөртүлүп берилген.

1995-жылы тасма Оскардын "Эң мыкты тасма", "Эң мыкты режиссер" (Роберт Земекис), "Эң мыкты актер" (Том Хэнкс), "Эң мыкты сценарист" (Эрик Рот) "Эң мыкты визуалдык таасир" жана "Эң мыкты монтаж" сыйлыктарын утуп алган. Мындар сырткары "Алтын глобус", "Элдин тандоосу", "Жаш артист" ж.б. ушул сыяктуу бир топ сыйлыкка татыган. 2011-жылы АКШ Конгрессинин китепканасы тасманы "маданий, тарыхый же эстетикалык баалуу" деп Улуттук кино реестринде сактоо үчүн тандап алган.

Сюжет

Тартылгандар

Көрсөтүлүш тарыхы

"Форрест Гамптын" бетачары көрсөтүлүшү 1994-жылы 23 июнда Лос-Анжелес шаарында өткөн. Тасма АКШ прокатына ошол эле жылдын 6 июлунда, дүйнөнүн башка өлкөлөрүндө күзүндө көрсөтүлө баштаган.

Бетачарлардын датасы

Бетачарлардын датасы IMDb сайтынын маалыматтарына ылайык берилген^[3].

"Форрест Гамп": релиздер тууралуу маалымат (англ.). — IMDb. Текшерилген күнү 29 -март (жалган куран) 2009. Түп булактан архивделген күнү 24 -январь (үчтүн айы) 2012.