Төрөбай Кулатов

Төрөбай Кулатов
Төрөбай Кулатов, 1946-жыл
Кыргыз ССР Жогорку Советинин Президиумунун төрагасы
1945 — 1978
Кыргыз ССР Эл Комиссарлар Советинин төрагасы
1938 — 1945
Туулган жылы:	1908 жыл(1908)
Туулган жери:	Кызыл-Булак, Ноокат району
Каза болгон жылы:	1984 жыл(1984)
Каза болгон жери:	Фрунзе шаары
Партиясы:	КПСС (1932-жылдан)
Билими:	КПСС БКнын Жогорку партиялык мектеби
Кесиби:	мамлекеттик ишмер
Сыйлыктары:	Кыргыз Республикасынын Баатыры беш жолу Ленин ордени Октябрь Революциясы ордени төрт жолу Эмгек Кызыл Туу ордени

Кулатов Төрөбай Кулатович (1908, азыркы Ноокат району, Кызыл-Булак кыштагы — 1984, Фрунзе шаары) — советтик мамлекеттик жана партиялык ишмер, Кыргыз Республикасынын Баатыры.

Өмүр баяны

Төрөбай Кулатов 1908-жылы Ноокат районунун Кызыл-Булак айылында кедейдин үй-бүлөсүндө туулган. 9 жашынан 16 жашына чейин байларга жалданып иштеген.

Эмгек жолу

• 1926—1933-жылдары: Темир жолдо жумушчу, андан соң Кызыл-Кыя шаарындагы «Жал» шахтасында забойщик болуп иштеген.
• 1934—1936-жылдары: Көмүр казуучулар союзунун шахта комитетинин төрагасы.
• 1938-жылы: Кызыл-Кыя шаардык кеңешинин аткаруу комитетинин төрагасынын орун басары, «Кыргыз көмүр» трестинин башчысынын орун басары.
• 1938—1945-жылдары: Кыргыз ССР Эл Комиссарлар Советинин төрагасы.
• 1945—1978-жылдары: Кыргыз ССР Жогорку Советинин Президиумунун төрагасы.
• 1946—1978-жылдары: СССР Жогорку Советинин Президиумунун төрагасынын орун басары болуп иштеген.

Билими

• 1936-жылы: Ош областык партиялык мектепти бүтүргөн.
• 1961-жылы: КПСС Борбордук Комитетине караштуу Жогорку партиялык мектепти аяктаган.

Коомдук ишмердүүлүгү

Төрөбай Кулатов 40 жылдан ашык убакыт бою жогорку мамлекеттик кызматтарда иштеп, республиканын өнүгүшүнө зор салым кошкон. Ал 9 жолу СССР Жогорку Советине жана 9 жолу Кыргыз ССР Жогорку Советине депутат болуп шайланган. 1938-жылдан баштап Кыргызстан Компартиясынын Борбордук Комитетинин жана анын бюросунун мүчөсү болгон.

Сыйлыктары

Кыргыз мамлекетинин алдындагы сиңирген эмгеги үчүн төмөнкүдөй жогорку сыйлыктарга татыктуу болгон:

• Кыргыз Республикасынын Баатыры (ак ниет эмгеги жана Ата Мекен алдындагы өзгөчө кызматы үчүн);
• 5 жолу Ленин ордени;
• 4 жолу Эмгек Кызыл Туу ордени;
• Октябрь Революциясы ордени;
• Көптөгөн СССР медалдары.

Колдонулган адабият

• Борбугулов М. "Ош областы энциклопедиясы". Фрунзе, 1989-ж.