Бакиев, Курманбек Салиевич

Wikipedia дан

Бакиев, Курманбек Салиевич - Кыргызстандын саясатчысы, мамлекеттик ишмери, мурдагы президент.


Курманбек Бакиев

Кыскача өмүр баяны[оңдоо | булагын оңдоо]

Курманбек Сали уулу БакиевКыргыз Республикасынын экинчи президенти. Ал 2005-2010-жылдары президент болгон.

Бийликке 2005-жылдын 24-мартындагы (Жалган Куран айдын 24) «Элдик ыңкылаптын» («Жоогазын ыңкылабынын») жеңишинин аркасында келген. Революциянын алгачкы сааттарында президентик милдетти Ишенбай Кадырбеков аткарган, андан соң бул кызматты Бакиев аркалап калган. 2005-жылы июлда (Теке айы)президент болуп жалпы тикелей шайлоонун натыйжасында шайланган. 2002-жылы (айтылуу Аксы окуяларынын маалында) өкмөт башчы болгон. 2009-жылы 23-августунда (Баш оона айдын 23) Кыргыз Республикасынын Президент шайлоосунда 6 талапкерлерден (Темир Сариев, Алмазбек Атамбаев, Жеңишбек Назаралиев, Курманбек Бакиев, Уметалиева, Мотуев) арасынан 80 % ашык добуштары менен жеңүүчү Курманбек Бакиев чыккан.


Кыргыз президенти Курманбек Бакиев менен Орусия президенти Дмитрий Медведев. Бишкек, 2008-жыл.

2010-жылкы элдик ыңкылап[оңдоо | булагын оңдоо]

2010-жылдын 6-7-апрелиндеги элдик толкундоолор ыңкылапка өсүп чыгып, натыйжада ал оболу 7-апрелде Бишкектеги Ак Үйдөн Ош шаары аркылуу туулуп-өскөн айылы Тейитке качып кеткен, андан соң ал 15-апрелде Казакстан аркылуу Беларуска бозгунга токолу менен бирге кеткен. Ушул тапта ал Минскинин жанында бозгундукта жашайт. Биринчи аялы Татьяна Орусияда жана Европада байырлап жатат.

Максим Бакиев

Коррупцияга белчесинен батты деп шектелген уулу Максим Бакиев ушул тапта Улуу Британияда качып жүрөт.

КРна тийген эмгектери[оңдоо | булагын оңдоо]

Президент Бакиевдин мамлекетке көп кырдуу саясатынын башатын түздү. Бир нече түрдөгү программаларга, практикалык иш-чараларга негиз болуп берди. Президент Бакиевдин мамлекеттик ишмердүүлүгүндө, ошондой эле кыргыз мамлекеттүүлүгүнүн соңку тарыхында, мазмуну жана масштабы жагынан эбегейсиз зор тарыхый окуя (ШКУ)Шанхай Кызматташтык уюмунун мүчөлөрүнүн жетинчи саммитинин Кыргызстанда өтүшү, мамлекет башчыларынын бул жыйынына Президент Бакиевдин төрагалык кылышы Кыргызстанга абдан чоң аброй алып келди. «Бишкек саммити», дүйнөлүк коомчулуктун көңүлүнүн борборунда болду. Ал эми кабыл алынган эларалык тарыхый документ «Бишкек декларациясы» Кыргызстан үчүн чоң утуш алып келүүгө тийиш. Кыргыз мамлекетинин тышкы саясатынын жыйынтыктары эларалык дипломатиянын лексиконунда кеңири колдонула баштады.

Интернеттеги шилтемелер[оңдоо | булагын оңдоо]