Любляна

Любляна
Желек	Герб
Өлкө	Словения
Координаттар	46°03′ с. ш. 14°30′ в. д.HGЯO
Ички бөлүнүшү	17 район
Жупан	Зоран Янкович
	Тарыхы жана Географиясы
Биринчи белгиленген	XII кылым
Мурунку аталышы	Эмона, Лювигана, Лайбах
Аянты	163,8 км²
Борборунун бийиктиги	295 м
Климатынын түрү	континенттик
Убакыт аралыгы	UTC+1, жайында UTC+2
	Калкы
Калкы	▲ 287 000 адам (2015)
Агломерация	508 607 (2009)
Этнохороним	любляналык, любланалыктар
	Сандык идентификаторлор
Телефон коду	+386 1
Автоунаа коду	LJ
Сайты	http://www.ljubljana.si/; (словен.) (англ.)
	Любляна (Жер)

Любляна шаары (словен. Ljubljana, айтылышы (маалымат), нем. Laibach) – Словения Республикасынын борбору. Словениянын борбордук бөлүгүндөгү Любляна ойдуңунда жайгашкан. Крайна тарыхый облусунун административдик борбору. Калкы 257,7 миң (2010; калкынын көпчүлүк бөлүгү орус тилин жакшы билишет). Жолдор тоому. Эл аралык аэропорту бар.

Славяндардын тургун жайы катары 1144-жылдан белгилүү. 13-кылымдын 2-жарымынан шаар. 1335– 1918-ж. (1809–13-ж. мезгил-мезгили менен Иллирий провинциясынын административдик борбору) габсбургдардын бийлиги астында болгон. 1918-ж. Сербдердин, хорваттардын жана словендердин королдугу (1929–92-ж. Югославия) түзүлгөндөн Любляна – Словениянын, 1992-жылдан көз каранды эмес Словения Республикасынын борбору. Машина куруу, химия, фармацевтика, текстиль, тамак-аш, булгаары– бут кийим, жыгаччылык, кагаз, полиграфия өнөр жай ишканалары иштейт. Град сепили (9–19-к.), епископтордун барокко стилиндеги ак сарайы (16–18-к.), Ыйык Якоб (17-к.), урсулинкалардын Ыйык Троица (18-к.) чиркөөлөрү, Ыйык Николай собору (18–19-к.), ратуша (18-к.), Антика Эмон шаарынын калдыктары (5-к.), 16–19- кылымдагы архитектуралык эстеликтер сакталган. Архитектор Й. Плечниктин улуттук колориттеги курулуштары, Революция аянтында ансамбль (1963–75), Словениянын Илимдер жана искусство академиясы, университет (1595), улуттук этнографиялык музей, улуттук галерея жана башкалар бар. Эл аралык ярмаркалар, фестивалдар өткөрүлүп турат. Туризм өнүккөн.

Колдонулган адабияттар

“Кыргызстан”. Улуттук энциклопедия: 5-том. Башкы ред. Асанов Ү. А., Б.: "Кыргыз энциклопедиясы" башкы редакциясы, 2014. ISBN 978—9967—14-111-7

Европа өлкөлөрүнүн борборлору
БУУга мүчө өлкөлөр	Амстердам • Андорра-Ла-Вилья • Анкара • Афины • Белград • Берлин • Берн • Братислава • Брюссель • Будапешт • Бухарест • Вадуц • Валлетта • Варшава • Ватикан • Вена • Вильнюс • Дублин • Загреб • Киев • Кишинёв • Копенгаген • Лиссабон • Лондон • Любляна • Люксембург • Мадрид • Минск • Монако • Москва • Осло • Париж • Прага • Рейкьявик • Рига • Рим • Сан-Марино • Сараево • Скопье • София • Стокгольм • Таллинн • Тирана • Хельсинки • Цетине
Башка аймактардын борборлору	Гибралтар • Дуглас • Лонгйир • Мальта сарайы • Мариехамн • Сент-Питер-Порт • Сент-Хелиер • Торсхавн • Эпископи
Расмий таанылбаган өлкөлөрдүн борборлору	Донецк • Луганск • Приштина • Тирасполь