Братислава

Братислава
Желек	Герб
Өлкө	Словакия
Край	Братислава
Координаттар	48°08′41″ с. ш. 17°06′46″ в. д.HGЯO
	Тарыхы жана Географиясы
Биринчи белгиленген	907
Мурунку аталышы	Пожонь, Пресбург, Прешпорок
Аянты	368 км²
Борборунун бийиктиги	140 м
Убакыт аралыгы	UTC+1, жайында UTC+2
	Калкы
Калкы	▲ 462 603 адам (2012)
Жыштыгы	1171 адам/км²
Улуттук курамы	словактар (91,4%), венгрлер (3,8%), чехтер (1,9%), немистер (0,3%), поляктар, украиндер
Диний курамы	католиктер 56,7%, атеисттер 29,3%, лютеране 6 %, башкалар 4,7 %
Этнохороним	братиславалык, братиславалыктар
	Сандык идентификаторлор
Телефон коду	+421 02
Почта индекстери	8XX XX
Автоунаа коду	BA,BL
Расмий сайты	http://www.bratislava.sk/; (слов.) (англ.) (нем.)
	Братислава (Жер)

Братислава – Словакиянын борбор шаары. Дунай дарыясындагы порточо Калкы 442,5 миң (2006). Өлкөнүн ири экономикалык борбору; жолдор тоому. Эл аралык аэропорту бар. Химиялык жана нефть-химиялык өнөр жай борбору. Машина куруу, тамак-аш-татымал, текстиль, тигүү, полиграфиялык өнөр жайы, университет, Словакия Илимдер академиясы, Словак улуттук галереясы иштейт. Азыркы Братиславанын аймагын байыркы кельт уруулары мекендешкендиги археол. казуулардан белгилүү. Биздин заманга чейинки 5-кылымда Братиславага славян уруулары отурукташа баштайт. 10-кылымда Братислава Пожонь деген ат менен Венгрия королдугунун курамына кирет. 13-кылымда Братиславаны немистер колониялап алып, Пресбург аталат. Түрктөр Буданы басып алгандан кийин (1541), Б. Венгрия королдугунун борбору, венгр королдору менен архиепископторунун резиденциясы (1784-ж. чейин). 1919-ж. 1-январынан Словакиянын башкы шаары. 1969–90-ж. Словакия Социалисттик Республиканын, 1990–92-жылдан Словакия Республиканын борбору. Град сепили (9–18-к.), шаар чептеринин калдыктары (13–18-кылым), готика стилиндеги чиркөө (Ыйык Мартин, 13–19-кылым), барокко жана классицизм стилиндеги сарайлар сакталган. Эл аралык фестивалдар (театр, кино, заманбап бийи) өткөрүлүп турат.

Колдонулган адабияттар

“Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4