Ломе – Того Республикасынын борбору (1960-жылдан). Гвинея булуңунун жээгинде Гана мамлекети менен болгон чек арада жайгашкан. Калкы 1,6 млн (2010; шаар айланасы менен). Жолдор тоому. Башкы деңиз порту. Эл аралык аэропорту бар.
18-кылымдын аягында эве элинин тургун жайынын ордунда пайда болгон. 1-дүйнөлүк согушка чейин Германиянын ээлиги, кийинчерээк Франциянын Тогонун административдик борбору. Тамак-аш, нефть ажыратуу, жеңил, пахта тазалоочу өнөр жай ишканалары иштейт. Мрамор сайкалдайт. Собор (20-к.), спорт комплекси, аэровокзал, университет, архив, китепканалар, улуттук музей жана башкалар бар.
