Жибути шаары

Wikipedia дан
Жибути шаары
шаар
Жибути шаары
Djibouti City.jpg
DjiboutiCity-Djibouti.png
Өлкө Жибути
Population
 • Total 400,000
Time zone GMT

Жибути шаары, Джибути, (арабча: جيبوتي) Африкадагы Жибути мамлекетинин борбор шаары.

Өз алдынча административдик округ статусуна ээ. Калкы 642,8 миң (2007). Инди океанынын Тажура булуңунун Түштүк жээгинде жайгашкан. Автомобиль жолдор тоому. Джибути – Аддис-Абеба темир жолунун акыркы станциясы (1917). Эл аралык аэропорту бар. Инди океанынын алабынын батыш бөлүгүндөгү эң ири маанилүү порт (жылына 6 млн тга чейинки жүк, жыйырма фут эквиваленттеги 250 миңдей контейнер ташылат; негизинен кофе, тери, туз сыртка чыгарылып, сырттан нефть жана нефть продуктуларын алат).

Тарыхы[оңдоо | булагын оңдоо]

1888-ж. француздар деңиз порту катары негиздеген. 1896-жылдан Франциянын колониясы Сомалинин жээгинин (1967-жылдан Афарлар менен Исса аймагынын) администрациясы, 1977-жылдан Джибути мамлекетинин борбору. 1949-жылдан эркин порт деп жарыяланган. 19-кылымдын аягы – 20-кылымдын ортосуна таандык колония курулуштары, президент сарайы, Хамули мечити сакталган. Университет иштейт (2006).

Географиясы[оңдоо | булагын оңдоо]

Экономикасы[оңдоо | булагын оңдоо]

Шаардын экономикасы кеме каттоону тейлөөгө байланыштуу; ал Суэц каналы аркылуу өткөн транзиттик жүктөрдү, Эфиопиянын жана Сомалинин Түндүк-батышынын сырткы соодасын, Сауд Арабия танкерлерин, ошондой эле Франциянын деңиз аскер флотун тейлөөнү камтыйт. Нефтини кайра иштетүүчү, текстиль, булгаары, тамак-аш, курулуш материалдар, кеме ремонттоочу, деңиз тузун өндүрүүчү өнөр жай ишканалары бар. Балык кармалат.

Колдонулган адабияттар[оңдоо | булагын оңдоо]

“Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1